ဂျပန်နိုင်ငံပိုင် ဟော့ကိုင်းဒိုးကျွန်းနားက ပိုင်နက်အငြင်းပွား ကျွန်းတွေတဝိုက်မှာ ရုရှားနိုင်ငံရဲ့ စစ်ရေးလေ့ကျင့်မှုကို ဂျပန်အစိုးရက ကန့်ကွက်ကြောင်း တိုင်ကြားထားတယ်လို့ ဂျပန်နိုင်ငံ အစိုးရအဖွဲ့ အတွင်းရေးမှူးချုပ် ဟီရိုခဇုမတ်ဆူနိုက ဧပြီ ၁၇ ရက်မှာ ပြောပါတယ်။

ရုရှားနိုင်ငံဘက်က ဒီလိုအငြင်းပွားနေတဲ့ ကျွန်းစုတစ်ဝိုက်မှာ ဧပြီ ၁၈ ရက်ကနေ ၂၂ ရက်အထိ ဒုံးကျည်ဆိုင်ရာ လေ့ကျင့်တာတွေ လုပ်သွားမယ်ဆိုတာကို ဂျပန်အစိုးရကို အသိပေးခဲ့တယ်လို့ မတ်ဆုနိုက ဖြည့်စွက်ပြောပါတယ်။

"မြောက်ပိုင်းကျွန်း နှစ်ကျွန်းမှာ ရုရှားရဲ့ လက်နက်တပ်ဆင်မှုဟာ ဂျပန်ရဲ့ ရပ်တည်ချက်နဲ့ ဆန့်ကျင်နေသလို လက်ခံနိုင်စရာလည်း မရှိတာကြောင့် ဒီအပေါ်မှာ ကန့်ကွက်ထားတယ်"လို့ တိုကျိုမြို့က သတင်းစာရှင်းလင်းပွဲမှာ မတ်ဆူနိုက ပြောဆိုပါတယ်။

သီးခြားအနေနဲ့  ရုရှားက ပစိတ်ရေတပ်သင်္ဘောစုကို ရုတ်တရုတ်စစ်ဆေးမှု တစ်စိတ်တစ်ပိုင်းအဖြစ် ဒုံးကျည်ပစ်လွှတ်တာနဲ့အတူ တော်ပီဒိုရေအောက်ဒုံးကျည်တွေကိုပါ စမ်းသပ်ပစ်ခတ်သွားမယ်လို့ ဧပြီလ ၁၄ရက်က ပြောခဲ့ပါတယ်။

ရုရှားကာကွယ်ရေးဝန်ကြီး ဆာဂေးလ်ရွှိုင်ဂူဟာ ပစိဖိတ်ရေတပ်ရဲ့ စစ်ရေးလေ့ကျင့်မှုနဲ့ ပတ်သက်ပြီး သမ္မတ ဗလာဒီမာပူတင်ဆီ ဧပြီ ၁၇ ရက်က အစီရင်ခံတင်ပြခဲ့ပါတယ်။

ဒီစစ်ရေးလေ့ကျင့်မှုမှာ ပစိဖိတ်ဒေသထဲမှာရှိတဲ့ ရန်သူရေတပ်အုပ်စုတွေကို အတုယူ တိုက်ခိုက်တာပါဝင်တယ်လို့ ရွှိုင်ဂူက ဝန်ကြီးဌာနက ထုတ်ပြန်တဲ့ ဗီဒီယိုဖိုင်မှာ ပြောပါတယ်။

ရုရှားအရှေ့ဖျားမှာ အခြေစိုက်တဲ့ ပစိဖိတ်ရေယာဉ်စုဟာ လျှပ်တပြက်စစ်ဆေးမှုတွေက အဆင်သင့် ဖြစ်နေပြီး ရုရှားရဲ့ ဦးစားပေးက ယူကရိန်းဖြစ်ကြောင်း ပူတင်က တုံ့ပြန်ခဲ့ ပါတယ်။ တရုတ်နိုင်ငံက ကာကွယ်ရေးဝန်ကြီး လီရှန်းဖှူးကလည်း မော်စကိုမြို့တော်ဆီ လာရောက်လည်ပတ်ချိန်မှာ စစ်ရေးလေ့ကျင့်မှု လုပ်ခဲ့တာပါ။