ဘိုင်ယန်မြူးနစ်အသင်းအနေနဲ့ ရလဒ်ဆိုးတွေကို အချိန်မှီပြန်လည်ပြင်ဆင်နိုင်ခွင့်ရှိသေးကြောင်း နည်းပြ သောမက်စ်တူချယ်ကပြောသွားပါတယ်။

ဘိုင်ယန်အသင်းဟာ ချန်ပီယံလိဂ်ပြိုင်ပွဲနဲ့ ဂျာမန်ပိုကယ်ဖလားပြိုင်ပွဲတွေကနေ ထွက်လိုက်ရပြီး ဘွန်ဒက်စ်လီဂါမှာလည်း ဒေါ့မွန်အသင်းရဲ့ကျော် တက်ခြင်းခံခဲ့ရတာပါ။

နောက်ဆုံး ၆ ပွဲမှာ တစ်ပွဲသာအနိုင်ရခဲ့ပြီး ၃ ပွဲရှုံး၊ ၂ ပွဲသရေကျခဲ့ပြီးတဲ့နောက်မှာ ရလဒ်ဆိုးတွေကို ပြင်ဆင်ဖို့ အချိန်မှီသေးကြောင်း နည်းပြတူချယ်ကပြောခဲ့တာပါ။

နည်းပြတူချယ်က “ကျနော်တို့ တိုးတက်လာဖို့လိုပါတယ်။ ရလဒ်ဆိုးတွေကို ပြန်လည်ပြင်ဆင်ဖို့က သိပ်ပြီးနောက်မကျသေးပါဘူး။ တနင်္ဂနွေနေ့မှာ မှန်ကန်တဲ့လမ်းကြောင်းဆီသွားဖို့လိုအပ်ပါတယ်” လို့ပြောပါတယ်။

ဘိုင်ယန်အသင်းဟာ ဘွန်ဒက်စ်လီဂါလက်ကျန်ပွဲစဉ် ၅ ပွဲအလိုမှာ ဦးဆောင်သူဒေါ့မွန်အသင်းနဲ့ တစ်မှတ်အကွာ ဒုတိယနေရာမှာရပ်တည်နေပြီး လာမယ့် တနင်္ဂနွေနေ့မှာ ဟာသာဘာလင်ကို အိမ်ကွင်းမှာ လက်ခံကစားသွားရမှာဖြစ်ပါတယ်။