မွန်ပြည်နယ်၊  ရေးမြို့နယ်၊ သောင်ပြင်ကျေးရွာမှာ မေ ၈ ရက် ညနေ ၃ နာရီ ၅၀ မိနစ်က မီးလောင်မှုဖြစ်ပွားလို့ လူနေအိမ် ၄ လုံး ပျက်စီးသွားတယ်လို့  ဒေသခံတွေဆီက သိရပါတယ်။

မီးလောင်မှုကို မီးသတ်တပ်ဖွဲ့ဝင်တွေ၊ ပရဟိတအဖွဲ့တွေနဲ့ ဒေသခံပြည်သူတွေ ၂ နာရီလောက်ကြာအောင် ဝိုင်းဝန်းငြှိမ်းသတ်ခဲ့ရပြီး ၅ နာရီခွဲလောက်မှာ မီးငြိှမ်းသတ်နိုင်ခဲ့တယ်လို့ ဒေသခံ လူမှုကယ်ဆယ်ရေးသမားတွေက ပြောပါတယ်။

မီးလောင်မှုကြောင့် နေအိမ် ၄ လုံး ဆုံးရှုံးခဲ့ပြီး ဆုံးရှုံးမှုတန်ဖိုးနဲ့ မီးလောင်ရတဲ့ အကြောင်းရင်းကိုတော့ မသိရှိရသေးဘူးလို့ မီးသတ်သမားတွေက ပြောပါတယ်။

အခုလို ပူပြင်းတဲ့ နွေရာသီကာလမှာ မီးဘေးအန္တရာယ် အသိပညာပေးတာတွေ လုပ်ဖို့လိုသလို ပေါ့ဆမီးတွေကြောင့် မီးလောင်ကျွမ်းဆုံးရှုံးမှု ကျပ်သန်းနဲ့ချီရှိပြီး လူသေဆုံးမှုတွေလည်း ရှိလာနေပါတယ်။