ထိုင်းနိုင်ငံတောင်ပိုင်း၊ နာရီဆူအန်တက္ကသိုလ်မှာရှိတဲ့ ပညာရှင်တွေဟာ ပထမဦးဆုံးအနေနဲ့ ပလတ်စတစ်နဲ့ စွန့်ပစ်အမှိုက်တွေကို ပြန်လည်အသုံးပြုကာ ကျည်ဆန်တွေကိုကာနိုင်တဲ့ ကျည်ကာဝတ်စုံကို တီထွင်ထုတ်လုပ်နိုင်ခဲ့တယ်လို့ ထိုင်းနိုင်ငံအခြေစိုက် The ThaigeAr သတင်းဌာနက မေ ၁ဝ ရက်မှာ ဖော်ပြပါတယ်။

ဒီတီထွင်မှုကို ထိုင်းအမျိုးသားသုတေသနကောင်စီရဲ့ ထောက်ပံ့ကူညီမှုတွေနဲ့ ဒေသတွင်း လူမှုအသိုင်းအဝိုင်းက ပလတ်စတစ်နဲ့ စွန့်ပစ်ပစ္စည်းတွေကို ပေါင်းစပ်ပြီး တီထွင်ခဲ့တာဖြစ်ကာ ဒီဝတ်စုံရဲ့ အရည်အသွေးအနေနဲ့ ၇ မီတာ၊ ၁ဝ မီတာ၊ ၁၅ မီတာ၊ ၂၅ မီတာကနေ ၉ မမကျည်၊ ၁၁ မမကျည်တွေနဲ့ ပစ်ခတ်တာတွေကို ထိုင်းတော်ဝင်တပ်ဖွဲ့ဝင်တွေကိုယ်တိုင် စမ်းသပ်ခဲ့ပြီး အောင်မြင်ခဲ့တာလို့ နာရီဆူအန်တက္ကသိုလ်ပါမောက္ခ ကန်းကနုတ် အင်ကနိနန်က ပြောပါတယ်။

အဆိုပါဝတ်စုံတီထွင်မှုမှာတော့ ကားမီးသီး၊ ရာဘာဖိနပ်နဲ့ ပင်လယ်ထဲက စွန့်ပစ် ပလတ်စတစ်အမှိုက်တွေ ပါဝင်ခဲ့ပြီး ဒီထုတ်လုပ်အောင်မြင်ပြီး ဝတ်စုံတွေကို ပစ်စနလော့ခ်ခရိုင်ထဲက ထိုင်းတော်ဝင်တပ်မတော် တပ်နယ် ၃ ကို မေ ၈ ရက်မှာ သွားရောက်ပေးအပ်ခဲ့တယ်လို့ သိရပါတယ်။

အခုလို တီထွင်မှုနဲ့ ဝတ်စုံတွေ ပေးအပ်ခဲ့တာနဲ့ပတ်သက်ပြီး ထိုင်းတော်ဝင်တပ်မတော် တပ်နယ် ၃ က ဗိုလ်ချုပ် ပရဆန်ဆဲန်ဆီရီရတ်က ဒီကျည်ကာဝတ်စုံတွေက လက်ရှိ ပြည်ပကနေဝယ်ယူရတဲ့ ကျည်ကာတွေထက် စရိတ်အများအပြားသက်သာပြီး ထုတ်လုပ်မှုကုန်ကျစရိတ်ကလည်း ဘတ် ၁ဝ,၀၀၀ ခန့်သာ ရှိတဲ့အတွက် ချီးကျူးရမှာ ဖြစ်တယ်လို့ ပြောကြားခဲ့ပါတယ်။

source : Thethaiger