​စစ်ကိုင်းတိုင်း ယင်းမာပင်နဲ့ ဆားလင်းဒေသက  ​ကျေးလက်​နေပြည်သူ​တွေက စစ်အာဏာရှင်ဆန့်ကျင်ရေးနဲ့ ကျဆုံးသူ ရဲ​ကောင်း ကိုချမ်း​မြေ့​ကျော် (ခ)ဖိုးချမ်း ကွယ်လွန်ခြင်း  ၂ လပြည့်အထိမ်းအမှတ်ဆုတောင်းပွဲကို ​မေ ၂၇ ရက်​က အင်အား ​ထောင်ချီနဲ့ ပြုလုပ်ခဲ့ပါတယ်။

ဒီက​နေ့ပြုလုပ်တဲ့ ဆန္ဒ​ဖော်ထုတ်ပွဲမှာ တက်​ရောက်လာတဲ့ပြည်သူအားလုံးက သူရဲကောင်း ကိုချမ်း​မြေ့​ကျော်ကို ဂုဏ်ပြု​သောအားဖြင့် နှင်းဆီပန်း၊ စံပါယ်ပန်းတွေနဲ့ သူ့ရဲ့အုတ်ဂူမှာ အမှတ်တရ ဂုဏ်ပြုခဲ့ကြသလို ဒီမိုက​ရေ​စီ​တောင်းဆိုရင်း ကျဆုံးခဲ့ရတဲ့ နိုင်ငံတဝန်းက  သူရဲကောင်းတွေအတွက် ဆု​တောင်းတာ အမှတ်တရကဗျာ ရွတ်ဖတ်ဂုဏ်ပြုတာတွေလည်း ပြုလုပ်ခဲ့ကြပါတယ်။

အသက် ၃၀ အရွယ် ကိုချမ်း​မြေ့​ကျော်(ခ)ဖိုးချမ်းဟာ မတ်လ ၂၇ ရက်​က ယင်းမာပင်မြို့နယ်နဲ့ ဆားလင်းကြီးမြို့နယ်တို့ ပူး​ပေါင်းပြုလုပ်တဲ့ စစ်အာဏာရှင်​တော်လှန်​ရေးသပိတ်မှာ အကြမ်းဖက်စစ်​ကောင်စီရဲ့ လက်ချက်​ကြောင့် ကျဆုံးခဲ့ရတာဖြစ်ပါတယ်။