အာဆီယံဒေသတွင်း နိုင်ငံတွေမှာ ကိုဗစ်-၁၉ ရောဂါ ကာကွယ်ဆေးသန်း ၆၀ ကျော်နဲ့ မြန်မာနိုင်ငံမှာတော့ ၃ သန်းနီးပါး ထိုးပြီးဖြစ်တယ်လို့ နေးရှင်းသတင်းတပုဒ်မှာ ဖော်ပြပါတယ်။

ကိုဗစ်-၁၉ တတိယလှိုင်း ကူးစက်မှုတွေ မြင့်တက်နေတဲ့ ထိုင်းနိုင်ငံမှာတော့ ကာ ယ်ဆေး ၅ ဒသမ ၄ သန်းကျော် ထိုးခဲ့ပြီးဖြစ်တယ်လို့ ချူလာဘွန်တော်ဝင်ဆေးသိပ္ပံက အတွင်းရေးမှူးချုပ် ဒေါက်တာ နီထိ မာဟန်နွန်ဒါက ပြောပါတယ်။

       ဒေသတွင်း ကိုဗစ်-၁၉ သန်းချီကူးစက်မှုအမြင့်ဆုံးနိုင်ငံတွေ ဖြစ်တဲ့ အင်ဒိုနီးရှားနဲ့ ဖိလစ်ပိုင်နိုင်ငံတွေမှာတော့ ကာကွယ်ဆေး ၃၀ ဒသမ ၁ သန်းနဲ့ ၆ ဒသမ ၃ သန်းစီ ထိုး ပြီးဖြစ်တယ်လို့ ဆိုပါတယ်။

       အဲဒီနောက် စတုတ္ထနေရာမှာတော့ ကမ္ဘောဒီးယားနိုင်ငံက ကာကွယ်ဆေး ၅ သန်း ကျော်၊ သူ့နောက်မှာ စင်ကာပူနိုင်ငံက ၄ ဒသမ ၃ သန်းကျော်၊ မလေးရှားနိုင်ငံက ၃ ဒသမ ၇ သန်းကျော်စီ ကိုဗစ်-၁၉ ကာကွယ်ဆေးတွေ အသီးသီး ထိုးပြီးဖြစ်တယ်လို့ဆိုပါတယ်။

       မြန်မာနိုင်ငံမှာတော့ ၂ ဒသမ ၉ သန်းကျော် ကိုဗစ်-၁၉ ကာကွယ်ဆေး ထိုးနှံပြီးဖြစ် ကာ အဲဒီနောက်မှာတော့ ဗီယက်နမ်နိုင်ငံက ၁ ဒသမ ၃ သန်းကျော်၊ လာအိုနိုင်ငံက ၁ သန်းကျော်နဲ့ ဘရူနိုင်းနိုင်ငံက ၅၈၀၀၀ ကျော်  ထိုးပြီး ဖြစ်တယ်လို့ ဖော်ပြပါတယ်။

       ဒေါက်တာ နီထိက ထိုင်းပြည်သူ့ကျန်းမာရေးဝန်ကြီးဌာနနဲ့ ဘန်ကောက်မြို့တော် အုပ်ချုပ်ရေးအဖွဲ့ရဲ့ ကိုဗစ်-၁၉ ရောဂါကူးစက်ပျံ့ပွားမှု ထိန်းချုပ်နိုင်ရေး ကြိုးပမ်းမှုကို ချီးကျူး လိုက်ပြီး နောက်ထပ်တကြိမ် ကာကွယ်ဆေးထိုးနှံပြီးရင်တော့ ဒီအကြပ်အတည်းက နေ ကျော်လွှားနိုင်ဖို့ မျှော်လင့်တယ်လို့ ပြောပါတယ်။