အာဖဂန်နစ္စတန်နိုင်ငံ ကဘူးမြို့မြောက်ပိုင်းက ဒေသခံတွေနဲ့ အာဖဂန် မူဂျာဟစ် လက်နက်ကိုင် ရာချီဟာ ဇွန် ၂၃ ရက်က စီတန်းလှည့်လည်ခဲ့ပြီး တာလီဘန်တွေကို တိုက်နေတဲ့ အာဖဂန်လုံခြုံရေးတပ်တွေကို ထောက်ခံအားပေးကြောင်း ဆန္ဒပြခဲ့ကြပါတယ်။

အာဖဂန်မြောက်ပိုင်းမှာ လတ်တလောရက်တွေအတွင်း တာလီဘန်သူပုန်တွေက ထိုးစစ် ဆင်နေတာပါ။

နိုင်ငံတကာတပ်တွေ ဆုတ်ခွာချိန်မှာ တာလီဘန်တွေရဲ့ တောင်ပိုင်း ခြေကုပ်တွေကို လွန်ပြီး လှုပ်ရှားလာတာလည်း ဖြစ်ပါတယ်။

နိုင်ငံမြောက်ပိုင်း ဖှာယက်ဘ်၊ ဘာ့လ်ခ် နဲ့ ခွန်ဒုဇ်ပြည်နယ်တွေရဲ့ မြို့တော် ၃ ခုက ဆင်ခြေဖုံးတွေမှာ အာဖဂန်အစိုးရတပ်တွေနဲ့ တာလီဘန်တို့ကြား တိုက်ပွဲအပြင်းအထန် ဖြစ်ခဲ့ တယ်လို့ အရာရှိတွေက ပြောပါတယ်။

ပဋိပက္ခကာလ အနှစ်၂၀နီးပါး အပြီး စက်တင်ဘာ ၁၁ ရက်မှာ အမေရိကန်က သူ့တပ်တွေကို ကန့်သတ်ချက်မရှိ ဆုတ်ခွာတော့မယ်လို့ ဧပြီလမှာ ကြေညာခဲ့တာပါ။

အဲဒီနောက် တာလီဘန်တွေက ပိုင်နက်ပိုရအောင် ကြိုးစားနေလို့ နိုင်ငံတဝန်း အကြမ်းဖက်မှု တိုးလာတယ်လို့ ရိုက်တာသတင်းဌာနက ဖော်ပြပါတယ်။