မလှိုင်မြို့မှာ ကိုဗစ်-၁၉ သံသယ ၃ ဦးအား RDT test kit နဲ့ စစ်ဆေးရာမှာ ကိုဗစ်ပိုးမတွေ့ဘဲ ဓာတ်ခွဲအတည်ပြုရာမှ ကိုဗစ်-၁၉ ရောဂါပိုးတွေ့ရှိခဲ့တယ်လို့ သိရပါတယ်။

မန္တလေးတိုင်း မလှိုင်မြို့ အမှတ် (၁) ရပ်ကွက် နယ်မြေ (၆) မှာ ကလောမြို့က ပြန်လာပြီး ဖျားလာတာကြောင့် ကိုဗစ်စစ်ဆေးရာ ၃ ဦး ကိုဗစ်ပိုးတွေ့ခဲ့ပါတယ်။

ထိတွေ့ဆက်စပ်သူ ၆ဦးကို RDT test kit နဲ့စစ်ဆေးရာ ၃ ဦးထပ်တွေ့ပြီး ကျန် ၃ ဦးကတော့ ပိုးမတွေ့ရဘဲ ဇွန် ၂၈ ရက်နေ့က မန္တလေးမှာ ဓာတ်ခွဲအတည်ပြုမှ ကိုဗစ်ပိုးတွေ့ခဲ့တာကြောင့် မလှိူင်ဆေးရုံ သီးသန့်အဆောင်မှာ ထားရှိ ဆေးကုသနေတယ်လို့ ကျန်းမာရေးဝန်ထမ်းတစ်ဦးက ပြောပါတယ်။

“ကလောက ပြန်လာသူအပါ ထိတွေ့ဆက်စပ်ကူးစက်မှုကတော့ မလှိုင် အမှတ် (၁) ရပ်ကွက်မှာပဲ ကိုဗစ်ပိုးတွေ့သူ ၉ ဦး ဖြစ်သွားတယ်” လို့ ပြောပါတယ်။

မိတ္ထီလာခရိုင်ထဲမှာ ဝမ်းတွင်းက ၅ ဦး၊ သာစည် ၂ ဦး၊ မိတ္ထီလာ ၈ ဦး၊ မလှိုင် ၉ ဦး၊ စုစုပေါင်းပေါင်း ၂၄ ဦး ကိုဗစ်-၁၉ ကူးစက်ခံရပြီး ဆေးကုသမှု ခံယူနေကြတယ်လို့ သိရပါတယ်။