ပူးပေါင်းဆောင်ရွက်မှုတိုးမြှင့်ရန် မြောက်ကိုရီးယားနှင့် တရုတ်ခေါင်းဆောင် ကတိပြု
မြောက်ကိုရီးယားနဲ့ တရုတ်ခေါင်းဆောင်တွေဟာ ၂ နိုင်ငံ ချစ်ကြည်ရေး၊ ပူးပေါင်းဆောင်ရွက်ရေးနဲ့ အပြန်အလှန် ကူညီရေး သဘောတူညီချက် နှစ်ပတ်လည်နေ့မှာ ပူးပေါင်းဆောင်ရွက်မှုမြှင့်တင်ဖို့ ကတိပြုလိုက်ကြတယ်လို့ မြောက်ကိုရီးယား အစိုးရ မီဒီယာ KCNA က ဇူလိုင် ၁၁ရက်မှာ ကြေညာပါတယ်။
ရန်လိုတဲ့ နိုင်ငံခြားစစ်တပ်တွေကို ရင်ဆိုင်ရာမှာ သူတို့ရဲ့ ဆက်ဆံရေးက မရှိမဖြစ် အရေးပါတယ်လို့ မြောက်ကိုရီးယား ခေါင်းဆောင် ကင်မ်ဂျုံအန်း တရုတ်သမ္မတ ရှီကျင့်ဖျင်ကို ပြောပါတယ်။
သမ္မတ ရှီကတော့ ပူးပေါင်းဆောင်ရွက်ရေးကို အဆင့်အသစ်ထိ တိုးမြှင့်ဖို့ ကတိပြုခဲ့တယ်လို့ KCNA က ပြောပါတယ်။
၁၉၆၁မှာ ချစ်ကြည်ရေး သဘောတူညီချက် လက်မှတ်ထိုးပြီးတည်းက တရုတ်ဟာ မြောက်ကိုရီးယားရဲ့ အကြီးစားမိတ်ဖက်နိုင်ငံဖြစ်လာပါတယ်။
မြောက်ကိုရီးယားရဲ့ နျူကလီးယား လက်နက်နဲ့ ပဲ့ထိန်း ဒုံးကျည် အစီအစဉ်တွေကို နိုင်ငံတကာက ပိတ်ဆို့ဒဏ်ခတ်အပြီး မြောက်ကိုရီးယားဟာ ကုန်သွယ်ရေးနဲ့ တခြား အထောက်အပံ့တွေ အတွက် တရုတ်ကို ပိုပြီး မှီခို လာခဲ့ရပါတယ်။
