ကျင်းပနေတဲ့ တိုကျိုအိုလံပစ်ပြိုင်ပွဲမှာ ဩဂုတ် ၂ ရက်နေ့ ပွဲစဉ်တွေအပြီး တရုတ်နိုင်ငံက  ရွှေတံဆိပ်ဆု ၂၉ ခု၊ ငွေတံဆိပ် ၁၈ ခု၊ ကြေးတံဆိပ် ၁၆ ခု စုစုပေါင်း ဆုတံဆိပ် ၆၃ ခုနဲ့ ထိပ်ဆုံးမှာ ရပ်တည်နေပါတယ်။

အမေရိကန်က ရွှေတံဆိပ် ၂၂ ခု၊ ငွေတံဆိပ် ၂၇ ခု၊ ကြေးတံဆိပ် ၁၇ ခု စုစုပေါင်း ဆုတံဆိပ် ၆၆ ခုရပြီး ဆုတံဆိပ်ရရှိမှု အများဆုံးဖြစ်ပေမဲ့ တရုတ်ထက် ရွှေတံဆိပ်ရရှိမှုနည်းတဲ့အတွက် နိုင်ငံအလိုက် ဒုတိယနေရာမှာ ရပ်တည်နေပါတယ်။

အိမ်ရှင်ဂျပန်ကတော့ ရွှေတံဆိပ် ၁၇ ခု၊ ငွေ ၆ ခု ၊ ကြေး ၁၀ ခု ဆုတံဆိပ် စုစုပေါင်း ၃၃ ခုနဲ့ နိုင်ငံအလိုက် တတိယနေရာမှာ ရပ်တည်နေပါတယ်။

အာဆီယံနိုင်ငံတွေထဲမှာတော့ အင်ဒိုနီးရှားက ရွှေ ၁ ခု၊ ငွေ ၁ ခု ၊ ကြေး ၃ ခု စုစုပေါင်း ဆုတံဆိပ် ၅ ခုနဲ့ နိုင်ငံအလိုက် အဆင့် ၃၆ မှာရပ်တည်နေပါတယ်။ ဖိလစ်ပိုင်က ရွှေ ၁  ခု  ၊ ထိုင်းက ရွှေ ၁ ခု နဲ့ နိုင်ငံအလိုက် အဆင့် ၅၁ မှာ အသီးသီးရပ်တည်နေပါတယ်။ မလေးရှားကတော့ ကြေးတံဆိပ် ၁ ခုရပြီး နိုင်ငံအလိုက် အဆင့် ၇၅ မှာ ရှိနေပါတယ်။

ဇူလိုင် ၂၃ ရက်နေ့မှ ဩဂုတ် ၈ ရက်အထိကျင်းပနေတဲ့ ဒီပြိုင်ပွဲမှာ နိုင်ငံပေါင်း ၂၀၀ လောက်က အားကစားသမားပေါင်း ၁၁,၀၀၀ ကျော်ဟာ အားကစားနည်း ၃၃ မျိုးမှာ ပါဝင်ယှဉ်ပြိုင်နေကြတာ ဖြစ်ပါတယ်။