^{ဘာစီလိုနာနဲ့ လမ်းခွဲခဲ့တဲ့ မက်ဆီကို စိတ်ဝင်စား မူရှိပြီး ပီအက်စ်ဂျီအသင်းဘက်က ခေါ်ယူဖို့ ကြိုးပမ်းနေတယ်လို့ နည်းပြ ပိုချက်တီနိုက ပြောပါတယ်။} 

^{ပီအက်စ်ဂျီအသင်းဟာ လီဂူးဝမ်း အဖွင့်ပွဲစဉ်အဖြစ် ထရိုင်းယက်စ်နဲ့ တနင်္ဂနွေနေ့မှာ ကစားရမှာဖြစ်ပြီး အဲဒီပွဲမတိုင်ခင်မှာ မက်ဆီရဲ့အပြောင်းအရွှေ့နဲ့ ပတ်သက်ပြီး ပိုချက်တီနိုက မှတ်ချက်ပေးခဲ့တာပါ။} 

^{မက်ဆီရဲ့ ကိစ္စအပေါ် သိပ်ပြောစရာမရှိဘဲ ကလပ်အသင်းဘက်ကတော့ တောင့်တင်းတဲ့ လူစာရင်းဖြစ်ဖို့ ကြိုးပမ်းနေတယ်လို့ ပိုချက်တီနိုက ပြောပါတယ်။} 

^{“မက်ဆီလို ကစားသမားတစ်ယောက်ရဲ့ ခြေစွမ်းက ကျနော့်ကို စိတ်ဝင်စားမူ ဖြစ်စေတာပေါ့။ ကလပ်အသင်းဘက်က လူစာရင်း တောင့်းတင်းဖို့အတွက် ရွေးချယ်စရာတချို့ လုပ်ဆောင်နေပါတယ်။ ဒါပေမဲ့ ထရိုင်းရက်စ် နဲ့ ပွဲကိုပဲ အာရုံစိုက်ထားရမှာဖြစ်ပါတယ်။ တချိန် တည်းမှာပဲ အသင်းဥက္ကဋ္ဌနဲ့ အားကစားဒါရိုက်တာ လီအန်ဒရိုတို့ကလည်း အကောင်းဆုံး လူစာရင်းဖြစ်ဖို့ အပြင်းအထန်ကြိုးပမ်းနေကြပါတယ်။”}

^{လတ်တလောသတင်းတွေအရတော့ မက်ဆီဟာ ပီအက်စ်ဂျီအသင်းဆီကို ကနဦး ၂ နှစ်နဲ့ နောက် ထပ် ၁ နှစ်သက်တမ်းတိုးခွင့်အပါ  စာချုပ်နဲ့ ကမ်းလှမ်းထားတယ်လို့ သိရပါတယ်။}