မန္တလေးတိုင်း မိုးကုတ်မြို့အနောက်ပိုင်းမှာ သြဂုတ်လ ၁၁ ရက်နေ့ နေ့ခင်းပိုင်းက ဒလန် သတင်းပေးတိုင်ကြားမှုကြောင့် လူငယ်နှစ်ဦးကို စစ်ကောင်စီတပ်က အိမ်မှာ လာရောက်ဖမ်းဆီးသွားတယ်လို့ ​ဒေသခံတွေဆီက သိရပါတယ်။

“နေ့ခင်းပိုင်းက လူငယ်နှစ်​ယောက်ဖမ်းသွားတာ ဟုတ်တယ်၊ တစ်ယောက်က သပိတ်တွေမှာပါလို့ ဖမ်းခံရဖူးတယ်၊ ကျန်တစ်ယောက်တော့ မသိဘူး” လို့ ဒေသခံတစ်ဦးက ဆိုပါတယ်။

စစ်ကောင်စီတပ်က ဖမ်းဆီးရာမှာ လူငယ်တစ်ဦးကို ရိုက်နှက်ဖမ်းဆီးသွားပြီး ဖမ်းဆီးခံရသူနှစ်ဦးက စောလက်ယာနဲ့ အောင်ခန့်တို့ ဖြစ်တယ်လို့ သိရပါတယ်။

မိုးကုတ်မြို့မှာ စစ်အုပ်စုက နေရာအနှံ့ တပ်ဖြန့်ထားတာ၊ တပ်စွဲထားတာတွေ ပြုလုပ်နေပြီး စစ်ချင်တဲ့လမ်းဆုံတွေမှာ တပ်ချ စစ်ဆေးနေတယ်လို့ သိရပါတယ်။