အာဆီယံဒေသတွင်းနိုင်ငံတွေထဲ ပြီးခဲ့တဲ့ ၂၄ နာရီအတွင်း ကိုဗစ်-၁၉ ကူးစက်ခံရ သူအရေအတွက် ၇၉,၀၅၅ ယောက်ရှိခဲ့ပြီး စုစုပေါင်း ၁၀ ဒသမ ၂၂ သန်းကျော် ရှိလာခဲ့ပြီ ဖြစ်ပါတယ်။

ပြီးခဲ့တဲ့ ရက်ကတော့ ရောဂါကူးစက်ခံရသူအရေအတွက် ၇၂၃,၉၆၄ ယောက်ရှိခဲ့ တာမို့ ပိုပြီးတော့ မြင့်တက်လာနေခဲ့တာပါ။

လက်ရှိအချိန်ထိ အာဆီယံဒေသတွင်း နိုင်ငံတွေထဲ ကိုဗစ်-၁၉ ရောဂါကူးစက်ခံရ ပြီး သေဆုံးသူ စုစုပေါင်းကတော့ ၂ သိန်း ၂ သောင်းကျော် ရှိနေခဲ့ပြီ ဖြစ်ပါတယ်။

ဒေသတွင်း ရောဂါကူးစက်မှု သန်းချီအမြင့်ဆုံးနိုင်ငံတွေအဖြစ် အင်ဒိုနီးရှားနိုင်ငံက ကူးစက်ခံရသူပေါင်း ၄ ဒသမ ၁ သန်းကျော်၊ သေဆုံးသူပေါင်း ၁ သိန်း ၃ သောင်းကျော်၊ ဖိလစ်ပိုင်နိုင်ငံက ကူးစက်ခံရသူပေါင်း ၂ သန်းကျော်၊ သေဆုံးသူပေါင်း ၃၃,၀၀၀ ကျော်၊ မ လေးရှားနိုင်ငံက ကူးစက်ခံရသူပေါင်း ၁ ဒသမ ၇ သန်းကျော်၊ သေဆုံးသူပေါင်း ၁၇,၀၀၀ ကျော်စီနဲ့ အသီးသီး ရပ်တည်နေတာပါ။

ဒါ့အပြင် မြန်မာ့ အိမ်နီးချင်း ထိုင်းနိုင်ငံမှာလည်း ကိုဗစ်-၁၉ ရောဂါကူးစက်ခံရသူ ပေါင်း ၁ ဒသမ ၂ သန်းကျော်နဲ့ သေဆုံးသူ ၁၂,၀၀၀ ကျော်လာခဲ့ပြီဖြစ်တာမို့ အာဆီယံဒေ သတွင်း နိုင်ငံတွေထဲ ကူးစက်မှုသန်းချီနိုင်ငံပေါင်း ၄ နိုင်ငံထိ ရှိလာခဲ့ပြီ ဖြစ်ပါတယ်။

    ရောဂါကူးစက်မှုတွေ မြင့်တက်နေတဲ့ မြန်မာနိုင်ငံကတော့ ကိုဗစ်-၁၉ ရောဂါ ကြောင့် သေဆုံးသူ စုစုပေါင်း ၁၅,၀၀၀ ကျော်နဲ့ အာဆီယံဒေသတွင်း သေဆုံးမှုအမြင့်ဆုံး နိုင်ငံစာရင်းမှာ ပါဝင်လာခဲ့ပြီး ရောဂါကူးစက်ခံရသူပေါင်း ၄ သိန်းကျော် ရှိနေခဲ့ပြီ ဖြစ်ပါတယ်။

ကမ္ဘာတဝန်းမှာတော့ ကိုဗစ်-၁၉ ရောဂါကူးစက်ခံရသူပေါင်း ၂၁၉ ဒသမ ၉၅ သန်းကျော်၊ သေဆုံးသူပေါင်း ၄ ဒသမ ၅၅ သန်းကျော်၊ ရောဂါပြန်လည်ပျောက်ကင်းသက်သာလာသူပေါင်း ၁၉၆ ဒသမ ၅၉ သန်းကျော် ရှိနေခဲ့ပြီ ဖြစ်ပါတယ်။