close

အမေရိကန် ရုပ်သံဇာတ်လမ်းတွဲ သရုပ်ဆောင် မိုက်ကယ်ဝီလျံစ် သေဆုံး

အမေရိကန်နိုင်ငံ နယူးယောက်မြို့က တိုက်ခန်းထဲမှာ ‘The Wire’ ရုပ်သံဇာတ်လမ်းတွဲ သရုပ်ဆောင် မိုက်ကယ်ကေ ဝီလျံစ်ကို စက်တင်ဘာ ၆ ရက်က သေဆုံးလျက်သားတွေ့ရတယ်လို့ နယူးယောက် ရဲဌာန NYPD က ပြောပါတယ်။

မနေ့ မွန်းလွဲ  ၂ နာရီမှာ အရေးပေါ် ဖုန်းဌာနကို အရေးပေါ် ဖုန်းဆက်သွယ်အကြောင်းကြားအပြီး ဘရွတ်ကလင်း ရပ်ကွက်က သူ့တိုက်ခန်းမှာ ဝီလျံစ်ကို သေဆုံးလျက်သား တွေ့ရတယ်လို့ နယူးယောက် ရဲဌာန ပြောခွင့်ရက ပြောပါတယ်။

သေဆုံးချိန်မှာ အသက် ၅၄ နှစ် ရှိပြီဖြစ်တဲ့  ဝီလျံစ်ဟာ HBO မှာ သူ့ရဲ့ သရုပ်ဆောင်မှုအတွက် ၂၀၂၁ အမ်မီ ဆု လျာထားခံခဲ့ရဖူးပါတယ်။ ဒါ့အပြင် ဘရော့ဒ်ဝေါ့ခ် အမ်ပါယာ ရုပ်သံ ဇာတ်လမ်းတွဲ အတွင်း သူ့အခန်းကဏ္ဍအတွက်လည်း နာမည်ကျော်ကြားခဲ့သူပါ။

ဝီလျံစ်ရဲ့ သေဆုံးမှုနဲ့ ပတ်သက်ပြီး စုံစမ်းစစ်ဆေးနေဆဲဖြစ်ကြောင်းနဲ့ နယူးယောက်မြို့ ဆေးဘက် စစ်ဆေးသူတွေက ဝီလျံစ် သေဆုံးရတဲ့ အကြောင်းရင်းကို နောက်ပိုင်းမှာ ဆုံးဖြတ်မယ်လို့ NYPD က ပြောပါတယ်။

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
Up