အာဆင်နယ်အသင်းမှာ ကစားသမားအပြောင်းအလဲတွေ များပြားပေမယ့် အသင်းအနာဂတ် အတွက် အကောင်းဆုံးဖြစ်မယ်လို့ ယုံကြည်ကြောင်း နည်းပြအာတီတာက ပြောပါတယ်။ 

အာဆင်နယ်အသင်းဟာ အခုနှစ်နွေရာသီ အပြောင်းအရွှေ့မှာ ပေါင်သန်း ၁၅ဝ လောက်အထိ အသုံးပြုခဲ့ပြီး ကစားသမား  ၆ ဦးအထိ ခေါ်ယူခဲ့တာဖြစ်ပါတယ်။ 

အသက် ၂၃ နှစ်အောက် ကစားသမားတွေကို ခေါ်ယူခဲ့တာဖြစ်ပြီး ၂ နှစ်အတွင်းမှာတော့ ကစားသမားအရေအတွက် ၃ဝ နီးပါးအထိ အပြောင်းအလဲရှိခဲ့တာဖြစ်ပါတယ်။ 

ဒီလို ၃ဝ နီးပါးအထိ အပြောင်းအလဲရှိခဲ့တာက ထူးဆန်းပြီး အလုပ်ဖြစ်ဖို့ စတင်လုပ်ဆောင်သွားရမယ်လို့ နည်းပြအာတီတာက ပြောပါတယ်။ 

ဒီလို အပြောင်းအလဲတွေ လုပ်ဆောင်ခဲ့တာဟာ အသင်းရဲ့ အနာဂတ်အတွက် အကောင်းဆုံးရွေးချယ်မှု လုပ်ဆောင်ခဲ့တာဖြစ်ပြီး ယုံကြည်မှုရှိတဲ့ စီမံကိန်းတစ်ခု ဖြစ်တယ်လို့ အာတီတာက ပြောပါတယ်။ 

အဲဒီလို အပြောင်းအလဲတွေအတွက် တာဝန်ရှိမှုကိုလည်း ပြသရမှာဖြစ်ပြီး အသင်းရဲ့စီမံကိန်းကို အလုပ်ဖြစ်ဖို့ ကြိုးပမ်းသွားရမယ်လို့ ဆိုပါတယ်။ 

အာဆင်နယ်အသင်းဟာ ပရီးမီးယားလိဂ် ၃ ပွဲအပြီးမှာ ၃ ပွဲစလုံး ရှုံးနိမ့်ထားပြီး စနေနေ့ ကပစားမယ့် ပွဲစဉ် ၄ မှာတော့ နောဝှစ်ချ်ကို အိမ်ကွင်းမှာ လက်ခံကစားရမှာဖြစ်ပါတယ်။