သီရိလင်္ကာနိုင်ငံမှာ မိုးများပြီး ရေကြီးမှုကြောင့် လူ ၂၅ ယောက် သေဆုံးခဲ့သလို မြေပြိုမှုကြောင့် လူ ၅ ယောက် ဒဏ်ရာရပြီး လူ ၂ သိန်းကျော် ရေဘေးသင့်ခဲ့တယ်လို့ အရာရှိတွေက ပြောပါတယ်။

နိုဝင်ဘာ ၁၁ ရက်က ရေကြီးမှုကြောင့် လမ်းတွေ အဆောက်အအုံတွေ၊ အိမ်တွေနဲ့ ဒေသခံတွေ အတော်များများ ရေမြုပ်နေပါတယ်။

“ဒီတချီမှာ ရေက ရုတ်တရက် တက်လာပြီး လမ်းတွေက မြစ်တွေလို ဖြစ်သွားကာ နေရာတိုင်း ရေကြီးတော့တာပဲ” လို့ ဒေသခံတယောက်က ပြောပါတယ်။

လာမယ့် ရက် နည်းနည်းအတွင်း မိုးလျော့ပါးမယ်လို့ မိုးလေဝသဌာနက ခန့်မှန်းထားပါတယ်။