အီရတ်နိုင်ငံ တောင်ပိုင်း ဘတ်စ်ရာမြို့လယ်မှာ ဒီဇင်ဘာ ၇ ရက်က ပေါက်ကွဲမှုကြောင့် လူ ၄ ယောက်ထက်မနည်း သေဆုံးပြီး အယောက် ၂၀ လောက် ဒဏ်ရာရတယ်လို့ ရဲနဲ့ ဆေးရုံ သတင်းရင်းမြစ်တွေကို ကိုးကားပြီး ရိုက်တာသတင်းမှာ ဖော်ပြထားပါတယ်။

မြို့ရဲ့ အဓိကဆေးရုံနားမှာ ပေါက်ကွဲခဲ့တာဖြစ်ပြီး ကားတစ်စီးထက်မနည်း မီးလောင်ခဲ့ပြီး မီနီဘတ်စ်ကား တစ်စီးလည်း ပျက်စီးခဲ့ပါတယ်။

ဖောက်ခွဲရေးပစ္စည်းတွေ တပ်ဆင်ထားတဲ့ မော်တော်ဆိုင်ကယ်တစ်စီးကြောင့် ပေါက်ကွဲခဲ့တာလို့ အီရတ်စစ်တပ်က ကြေညာချက် ထုတ်ပြန်ပါတယ်။

နောက်ထပ် အသေးစိတ် အချက်အလက်တွေကို သိနိုင်ဖို့ အခင်းဖြစ်နေရာမှာ မှုခင်းပညာရှင်တွေ စုံစမ်းစစ်ဆေးနေတယ်လို့ ဆိုပါတယ်။