ချဲလ်ဆီးနောက်ခံလူ ရူဒီဂါ ရီးရဲလ်မက်ဒရစ်ကိုပြောင်းဖို့ အကြိုသဘောတူညီမှုရရှိ
431
ချဲလ်ဆီးနောက်ခံလူ ရူဒီဂါဟာ အခုနှစ်ရာသီအကုန်မှာ ရီးရဲလ်မက်ဒရစ်အသင်းဆီပြောင်းရွှေ့ဖို့ အကြို သဘောတူညီမှုရယူထားတယ်လို့ သိရပါတယ်။
အသက် ၂၈ နှစ်ရှိ ဂျာမန်နောက်ခံလူဟာ အခုနှစ်ရာသီအကုန်မှာ အသင်းနဲ့ စာချုပ်သက်တမ်းကုန်ဆုံးမှာပါ။
Independent သတင်းစာရဲ့ အဆိုအရ ရီးရဲလ်မက်ဒရစ်အသင်းဟာ ရူဒီဂါရဲ့ အစ်ကိုဖြစ်သူနဲ့ အေးဂျင့်တို့နဲ့ ဆွေးနွေးခဲ့ပြီး နှုတ်အားဖြင့်အကြိုသဘောတူညီမှု ရယူထားပြီးဖြစ်တယ်လို့ သိရပါတယ်။
ရူဒီဂါဟာ ပြီးခဲ့တဲ့ရာသီက နည်းပြတူချယ်ရောက်ရှိလာပြီး နောက်ပိုင်း ခြေစွမ်းပြသနိုင်ခဲ့ပေမယ့် စာချုပ်သက်တမ်းတိုးဖို့ အသင်းဘက်က ပျက်ကွက်ခဲ့တာပါ။
၂၀၁၇ ခုနှစ်က ရိုးမားကနေ ပြောင်းရွှေ့လာတဲ့ ရူဒီဂါဟာ ချဲလ်ဆီးအတွက် ၁၆၆ပွဲ ကစားထားပါတယ်။ နည်းပြတူချယ်ကတော့ ရူဒီဂါကို အသင်းမှာဆက်ရှိနေစေချင်ပေမယ့် ဘယ်လိုဖြစ်လာမလဲဆို တော့ ပြောပြဖို့ခက်ခဲကြောင်း ပြောထားပါတယ်။
