မောင်းသူမဲ့ အိုရီအွန် ဒရုန်းယာဉ် လေထဲကပစ်မှတ်ကို ထိမှန်အောင် ပစ်ခတ်နေပုံ ဗွီဒီယိုကို ရုရှားကာကွယ်ရေး ဝန်ကြီးဌာနက ဒီဇင်ဘာ ၂၀ ရက်မှာ ဖြန့်ချိလိုက်ပါတယ်။

ရုရှားရဲ့ မောင်းသူမဲ့ UAV ယာဉ်ဟာ ခရိုင်းမီးယားဒေသက စစ်ရေးလေ့ကျင့်ကွင်းထဲမှာ စမ်းသပ်မှုတွေအတွင်း ရဟတ်ယာဉ်ပုံစံ ဒရုန်းယာဉ်ကို ထိမှန်အောင် ပစ်ခတ်ခဲ့တယ်လို့ ရုရှား ကာကွယ်ရေးဝန်ကြီးဌာနက ကြေညာချက် ထုတ်ပြန်ပြောဆိုခဲ့တာပါ။

အိုရီယွန် မောင်းသူမဲ့ယာဉ်ဟာ အခြေစိုက် လေယာဉ်ကွင်းကနေ အဝေးကို နာရီ ဒါဇင်နဲ့ချီပြီး သွားရောက် ကင်းထောက်နိုင်တယ်လို့လည်း ဝန်ကြီးဌာနက ပြောခဲ့ပါတယ်။