ပရီးမီးယားလိဂ် ပွဲစဉ်ဇယားရေးဆွဲမှုအပေါ် သပိတ်မှောက်ကြရန် ဂွါဒီယိုလာတိုက်တွန်း
ပရီးမီးယားလိဂ်ရဲ့ ပွဲစဉ်ဇယားရေးဆွဲမှုအပေါ်အပေါ် အားလုံးညီညီညွတ်ညွတ်နဲ့ ဆန္ဒပြသပိတ် မှောက်ကြဖို့ မန်စီးတီး နည်းပြဂွါဒီယိုလာက တိုက်တွန်းပါတယ်။
ပရီးမီးယားလိဂ်ကလပ်တွေဟာ ခရစ္စမတ်ကာလကနေ နှစ်သစ်ကူးကာလအထိ ၆ ရက်အတွင်းကို ၃ ပွဲကစားနေရပြီး ၂ ရက်ခြားတစ်ပွဲနှုန်းကစားရတာကို နည်းပြဂွါဒီယိုလာက မကျေမနပ်ဖြစ်နေတာပါ။
ဒီအခြေအနေဟာ ကစားသမားတွေရဲ့အကျိုးအတွက် ထိခိုက်မှုရှိပြီး အားလပ်ရက်လိုအပ်တယ်လို့ ဂွါဒီယိုလာက ထောက်ပြပါတယ်။
“ကစားသမားတွေကော အသင်းမန်နေဂျာတွေကပါ အတူတကွ သပိတ်မှောက်သင့်ပါတယ်။ စကားလုံးတွေက ဖြေရှင်းပေးနိုင်မှာမဟုတ်ပါဘူး။ ဒါပေမဲ့ သပိတ်မှောက်တာက ဖြစ်လာမှာတော့ မဟုတ်ဘူး။ ဘာလို့လဲဆိုတော့ ကျနော်တို့ ပွဲကစားချင်တယ်။ ဘောက်ဆင်ဒေးလိုပွဲတွေက လိဂ်ရဲ့ ဓလေ့ထုံးစံဖြစ်လို့ အဆင်ပြေပါတယ်။ ကစားလို့ရတယ်။ ၂ ရက်ခြား ကစားနေရတာကတော့ အဆင်မပြေပါဘူး။ ကစားသမားတွေရဲ့အကျိုးထက် ရုပ်သံတွေ၊ စီးပွားရေးတွေအတွက်က ပိုအရေးပါနေတယ်။”
ဂွါဒီယိုလာဟာ အဲဒီအပေါ်မကျေနပ်လို့ လိဂ်မန်နေဂျာ အစည်းအဝေးကိုမတက်ဖို့လည်း ဆုံးဖြတ်ခဲ့တယ်လို့ ပြောသွားပါတယ်။
