စစ်ကိုင်းတိုင်း ယင်းမာပင်ခရိုင် ယင်းမာပင်မြို့နယ်မှာ ​ဖေ​ဖော်ဝါရီ ၈ ရက် ည​နေ ၅ နာရီဝန်းကျင်က စစ်​ကောင်စီတပ်ဖွဲ့နဲ့ ​ဒေသခံ PDF အဖွဲ့တို့ ထိ​တွေ့တိုက်ပွဲ ဖြစ်ပွားခဲ့တယ်လို့ သိရပါတယ်။

တိုက်ပွဲဖြစ်ပွားခဲ့တဲ့နေရာဟာ ယင်းမာပင်မြို့နဲ့ ​နှောရိုး​ကျေးရွာကြားမှာဖြစ်ပြီး PDF အဖွဲ့တခုက စစ်​ကောင်စီတပ်ဖွဲ့ကို ကြားဖြတ်တိုက်ခိုက်ရာက​နေ တိုက်ပွဲစတင်ဖြစ်ပွားခဲ့တာလို့ ​ဒေသခံ​တွေက ​ပြောပါတယ်။

စစ်​ကောင်စီတပ်ဖွဲ့နဲ့ ထိ​တွေ့တိုက်ခိုက်မှုဖြစ်ခဲ့တဲ့ အဖွဲ့ဟာ ကိုယ်ထူကိုယ်ထ ဗိုလ်စက္က ဦး​​ဆောင်တဲ့ ​ဒေါင်းမင်း PDF  အဖွဲ့ဖြစ်တယ်လို့ သိရပါတယ်။

"ယင်းမာပင်ဘက်က​နေလာတဲ့ စစ်​ကောင်စီတပ်သား ၄ ဦးကို ကျ​နော်တို့အဖွဲ့က ဝင်လုံးတာ၊ သူပစ်ကိုယ်ပစ်​တိုက်ခိုက်​နေစဥ် သူတို့ (စစ်​ကောင်စီ) ဘက်က တပ်ကူကားတစ်စီး​ရောက်လာပြီး လက်နက်ကြီး လက်နက်ငယ်များနဲ့ပါ ပစ်​ခတ်မှုလုပ်ခဲ့တယ်။ အပြန်အလှန်ပစ်ခတ်မှု​ကြောင့် စစ်​ကောင်စီဘက်မှာလည်း ထိခိုက်မှုရှိနိုင်ပြီး အ​ရေအတွက်အတိအကျ​တော့ မသိရသလို ကျ​နော်တို့ (PDF) ရဲ​ဘော် ၁ ဦးလည်း လက်နက်ကြီးကျည်​ကြောင့် ခြေ​ထောက်မှာ (မစိုးရိမ်ရ) ဒဏ်ရာရရှိခဲ့တယ်” လို့ ​ဒေါင်းမင်း PDF အဖွဲ့​ခေါင်း​ဆောင်က ​ပြောပါတယ်။

ဒါ့အပြင် ​​ဖေ​ဖော်ဝါရီ ၈ ရက်​နေ့လည်ပိုင်းကလည်း မုံရွာဘက်က​နေလာတဲ့ စစ်​ကောင်စီကားတွေကို တယ်ပင်ကန်​ကျေးရွာအ​​နောက်ဘက် အင်ကြင်း​တောင်လမ်းခွဲအနီးမှာ PDF အဖွဲ့​တွေက မိုင်းဆွဲတိုက်ခိုက်ခဲ့လို့ ကား ၁ စီး​ထိမှန်သွား​သလို အကျအဆုံးများလည်းရှိကြောင်း၊ အဲဒီ​နောက် ယင်းမာပင်ဘက်က​နေ စစ်ကူလာတဲ့ စစ်​​ကောင်စီကားကိုလည်း ​ကောင်းဆင့်​ကျေးရွာအ​ရှေ့ဘက် ငါးကန်အနီးမှာ ထပ်မံမိုင်းဆွဲခံလိုက်ရတယ်လို့  ဒေသခံ​တွေက​ပြောပါတယ်။

ယင်းမာပင်မြို့နယ်အတွင်းမှာ စစ်​ကောင်စီတပ်ဖွဲ့တွေ လှုပ်ရှားသွားလာမှု​တွေရှိ​နေတာ​ကြောင့် ​ဒေသခံပြည်သူတွေ ​နေအိမ်​တွေမှာမ​နေရဲကြဘဲ ထွက်​ပြေးတိမ်း​ရှောင်နေကြတယ်လို့ သိရပါတယ်။