စစ်ကိုင်းတိုင်း ယင်းမာပင်ခရိုင် ယင်းမာပင်မြို့နယ်မှာ စစ်​ကောင်စီတပ်ဖွဲ့ကို ​ဒေသခံ PDF အဖွဲ့က ​​ဖေ​ဖော်ဝါရီ  ၂၂ ရက်​ မနက်ပိုင်း မိုင်းဆွဲတိုက်ခိုက်ခဲ့တယ်လို့ သိရပါတယ်။

မနက် ၁၁ နာရီ​လောက်က ယင်းမာပင်ဘက်က​နေ ​တောင်ဘက်အရပ်ကို ထွက်ခွာလာတဲ့ စစ်​ကောင်စီတပ်ဖွဲ့အင်အား ၈၀ ဝန်းကျင်လောက်ရှိတဲ့အဖွဲ့ကို မိုင်း ၄ လုံးနဲ့ တိုက်ခိုက်ခဲ့တာလို့ PDF ​ခေါင်း​ဆောင် ဆရာစံက ​ပြောပါတယ်။

တိုက်ခိုက်ခံရမှု​ကြောင့် စစ်​ကောင်စီတပ်သား ၁၅ ​ယောက်ဝန်းကျင်​လောက် ထိမှန်ခဲ့ပြီး ၃ ​​ယောက် ကျဆုံးသွားကြောင်း၊ ​စစ်​ကောင်စီတပ်ဖွဲ့ဟာ တမာပင်ခွအစု​ခေါ်တဲ့ သဲကုန်းမှာ ရှိ​နေ​သေးတယ်လို့ ဆိုပါတယ်။

ယင်းမာပင်မြို့နယ်အတွင်း စစ်​ကောင်စီတပ်ဖွဲ့တွေ နေ့စဥ်ရက်ဆက် ​​ဒေသခံ PDF ပူး​ပေါင်းအဖွဲ့​တွေရဲ့ တိုက်ခိုက်တာ ခံနေရပြီး ထိခိုက်ကျဆုံး​တာတွေ ရှိနေတယ်လို့ သိရပါတယ်။