ယူကရိန်းနယ်စပ် ခါကိဗ်မြို့ရဲ့ မြို့တော်ဝန်က နိုင်ငံသားတွေကို မိမိတို့ နေအိမ်ကနေ ထွက်ခွာ ခြင်းမပြုကြဖို့ သတိပေးထားပါတယ်။

ခါကိဗ်မြို့ဟာ ယူကရိန်းနိုင်ငံရဲ့ ဒုတိယအကြီးဆုံးမြို့ဖြစ်ပြီး လတ်တလောမှာတော့ မြို့ တော်ဝန်က နိုင်ငံတဝန်း ပေါက်ကွဲသံတွေနဲ့ အမြောက်သံတွေ ကြားနေရတာကြောင့် နိုင်ငံသားတွေကို အိမ်မှာနေကြဖို့ တိုက်တွန်းထားတာပါ။

မြို့တော်ဝန် အီဂေါ တီရိခေါ့ဗ်က “ဒီနေ့ နေအိမ်တွေကနေ ထွက်မသွားကြပါနဲ့။ ရှုပ်ထွေးနေတဲ့ အခြေအနေတွေကြောင့် စာသင်ကျောင်းတွေ၊ တခြားသက်ဆိုင်ရာ ကျောင်းတွေဟာ အခြေအနေတွေ ရှင်းလင်းသွားတဲ့ထိ အလုပ်လုပ်မှာ မဟုတ်ပါဘူး”လို့ ဖေ့စ်ဘွတ်ခ်လူမှု ကွန်ရက်ပေါ်ကတဆင့် အသိပေးထားပါတယ်။

“တချိန်တည်းမှာ အများပြည်သူသုံး သယ်ယူပို့ဆောင်ရေးတွေကတော့ ပုံမှန်အတိုင်းအ လုပ်လုပ်နေပါတယ်။ ကျနော့်အနေနဲ့ တနေကုန် မြို့တော်အာဏာပိုင်တွေရဲ့ လှုပ်ရှားမှုတွေနဲ့ ဘာတွေ ဖြစ်ပျက်နေတယ်ဆိုတာတွေကို အသိပေးသွားမှာပါ”

လတ်တလောမှာတော့ ယူကရိန်းနိုင်ငံ၊ ဒွန်ဘတ်စ်ဒေသအတွင်း အထူးစစ်ဆင်ရေး တရပ်ကို ဆင်နွှဲဖို့ ဖေဖော်ဝါရီ ၂၄ ရက်မှာ  ရုရှားသမ္မတ ဗလာဒီမီယာပူတင်က အမိန့်ပေးလိုက်ပြီးနောက် ယူကရိန်းမြို့တော် ကိယက်ဗ်နဲ့ ခါရ်ခစ်ဗ်မြို့တွေက စစ်ဌာနချုပ်တွေကို ဒုံးကျည်နဲ့ ပစ်ခတ်ခံရတယ်လို့ ယူကရိန်း ပြည်ထဲရေးဝန်ကြီးဌာနကပြောထားပါတယ်။