နာပိုလီအသင်းရဲ့ စပိန်လက်ရွေးစင် ကွင်းလယ်လူ ဖာဘီယန်ရုဇ်ဟာ စပိန်ထိပ်သီးကလပ် ရီးရဲလ်မက်ဒရစ်သို့ ပြောင်းရွှေ့ရန် ချိတ်ဆက်နေတယ်လို့ သိရပါတယ်။
အသက် ၂၅ နှစ်အရွယ်ရှိ ဖာဘီယန်ရုဇ်ဟာ ၂၀၁၈ ခုနှစ်က စပိန်ကလပ် ဘက်တစ်အသင်းမှ စီးရီးအေကလပ် နာပိုလီအသင်းကို ယူရိုသန်း ၃၀ နဲ့ ပြောင်းရွှေ့ခဲ့သူ ဖြစ်ပါတယ်။
နာပိုလီအသင်းနဲ့ ဖာဘီယန်ရုဇ်တို့ရဲ့ လက်ရှိစာချုပ်သက်တမ်းမှာ လာမယ့် ၂၀၂၃ ဇွန်လမှာ ကုန်ဆုံးမှာဖြစ်ပါတယ်။
အီတလီမြေမှာ ၄ ရာသီကြာ ဖြတ်သန်းခဲ့တဲ့ ဖာဘီယန်ရုဇ်အနေနဲ့ စပိန်မြေကိုပြန်ဖို့ ဆန္ဒရှိနေပြီး ရီးရဲလ်မက်ဒရစ်ကို ပြောင်းရွှေ့ဖို့ စိတ်ဝင်စားနေကြောင်း စပိန်မီဒီယာတွေက ဖော်ပြခဲ့ကြပါတယ်။
ရီးရဲလ်မက်ဒရစ်အသင်း အနေနဲ့လည်း အသက်အရွယ်ရလာတဲ့ မိုဒရစ်၊ တိုနီကရို့စ်တို့ နေရာမှာ ရေရှည်အစားထိုးဖို့အတွက် အရည်အသွေးမြင့် ကွင်းလယ်လူတွေကို ပစ်မှတ်ထားနေပြီး ဖာဘီယန်ရုဇ်ကို အစောပိုင်းကတည်းက စိတ်ဝင်စားနေကြောင်း သတင်းတွေ ထွက်ပေါ်ခဲ့ဖူးပါတယ်။
ဖာဘီယန်ရုဇ်ကို ခေါ်ယူဖို့အတွက် ဘာစီလိုနာ၊ အာဆင်နယ်၊ ဂျူဗင်တပ်စ် စတဲ့ ဥရောပအသင်းကြီးတွေကလည်း စိတ်ဝင်စားနေရာ ရီးရဲလ်မက်ဒရစ်အနေနဲ့ အလျှင်အမြန် လက်ဦးမှု ရယူဖွယ် ရှိနေပါတယ်။
စပိန်လက်ရွေးစင်အသင်းအတွက် ၁၅ ပွဲ ကစားပေးထားတဲ့ ဖာဘီယန်ရုဇ်ဟာ နာပိုလီအသင်းအတွက် ၄ ရာသီအတွင်း ပြိုင်ပွဲစုံ ၁၆၅ ပွဲအထိ ကစားပေးထားကာ ၂၁ ဂိုး သွင်းယူပေးထားသူ ဖြစ်ပါတယ်။