အမေရိကန်ရဲ့ လောင်စာဓာတ်ငွေ့ရည်တွေ ဥရောပကို ဖြန့်ဖြူးပေးဖို့ အမေရိကန်အစိုးရက ကမ်းလှမ်းထားတယ်လို့ ဘယ်လ်ဂျီယံဝန်ကြီးချုပ်က မတ် ၂၅ ရက်မှာ အတည်ပြုပြောဆိုပါတယ်။

ဥရောပသမဂ္ဂ EU ဟာ သူ့စွမ်းအင် ကုန်ကျစရိတ် လျှော့ချပြီး ရုရှားက ရုပ်ကြွင်းလောင်စာတွေ အပေါ် မှီခိုနေတာကို အမြန်ထိန်းချုပ်ကန့်သတ်ဖို့ ကြိုးစားနေတာပါ။

ဥရောပရဲ့ အဓိက ဓာတ်ငွေ့ ဖြန့်ဖြူးသူရုရှက ယူကရိန်းကို ကျူးကျော်ခဲ့အပြီး နဂို စျေးမြင့်နေတဲ့ စွမ်းအင်စျေးနှုန်းက စံချိန်တင် ထိုးတက်ခဲ့ပါတယ်။

ဒါကြောင့် တခြားနိုင်ငံတွေကနေ ဓာတ်ငွေ့ကို ပိုတိုး တင်သွင်းတာ ဒါမှမဟုတ် ပြန်လည်ပြည့်ဖြိုးမြဲ စွမ်းအင် သုံးစွဲနိုင်ရေး အမြန် ချဲ့ထွင် တာ စတဲ့ နည်းလမ်း တွေနဲ့ ရုရှဓာတ်ငွေ့ သုံးစွဲမှုကို ဒီနှစ်ထဲမှာ သုံးပုံ ၂ပုံထိ လျှော့ချဖို့ EUခေါင်းဆောင်တွေက ကတိပြုရေး တွန်းအား ပေးခဲ့ပါတယ်။

အမေရိကန်ဟာ စီစဉ်ထားတာတဲ့ပိုစောပြီး ဒီနှစ်ထဲမှာ အမေရိကန်ရဲ့ ဓာတ်ငွေ့ရည် ကုဗမီတာ ၁၅ ဘီလျံ ထက်မနည်းကို ဥရောပဆီ ပေးပို့မယ်လို့ EU ခေါင်းဆောင်များ ထိပ်သီးညီလာခံကို တက်ခဲ့တဲ့ အမေရိကန် သမ္မတ ဂျိုးဘိုင်ဒန်က မတ် ၂၄ ရက်မှာ ကတိပြုခဲ့တဲ့အကြောင်း ဒီကိစ္စနဲ့ ရင်းနှီးတဲ့ သတင်းရင်းမြစ်တွေက ပြောပါတယ်။

 “ဗရမ်းဗတာ ကမ္ဘာကြီးမှာ ကျနော်တို့ဟာ အထီးကျန်မဟုတ်ဘူး။ ကျနော်တို့က ရုရှားနဲ့ မတူဘဲ ဥရောပ မိတ်ဖက်တွေရော အတ္တလန္တိတ် ဖြတ်ကျော် မဟာမိတ်တွေပါ ရှိနေတယ်” လို့ ဘယ်လ်ဂျီယံ ဝန်ကြီးချုပ်က သတင်းစာ ရှင်းလင်းပွဲမှာ ပြောပါတယ်။

EU ခေါင်းဆောင်တွေဟာ ဆုံးဖြတ်ချက် မူကြမ်းအရ လာမယ့် ဆောင်းရာသီမတိုင်ခင် ဓာတ်ငွေ့၊ ဓာတ်ငွေ့လောင်စာရည်နဲ့ ဟိုက်ဒြိုဂျင်တွေကို ပူးတွဲ ဝယ်ယူရေးအတူ လုပ်ဆောင်ဖို့ သောကြာနေ့ မှာ သဘောတူဖို့ ရှိနေပါတယ်။