ယူကရိန်းထိပ်သီးကလပ် ရှက်တာဒိုးနက်အသင်းရဲ့ ငြိမ်းချမ်းရေးခြေစမ်းပွဲစဉ်တွေကို မနေ့က စတင်ကျင်းပခဲ့ပါတယ်။ 

ယူကရိန်းမှာရှိတဲ့ စစ်ဘေးရှောင်တွေကို လှူဒါန်းဖို့အတွက် ဖြစ်ပြီး စနေနေ့က ဂရိကလပ် အိုလံပီယာကော့စ်အသင်းနဲ့ စတင်ကစားခဲ့ပြီး ၁ ဂိုး ဂိုးမရှိနဲ့ ရှုံးနိမ့်ပါတယ်။ 

အဲဒီပွဲစဉ်ကနေ ရရှိလာတဲ့ ကွင်းဝင်ကြေးတွေကို ယူကရိန်းပြည်သူတွေအတွက် လှူဒါန်းသွားမှာဖြစ်ပါတယ်။ 

အိုလံပီယာကော့စ်အသင်း ပရိသတ်အဖွဲ့တစ်ခုဖြစ်တဲ့ Gate 7 က တော့ ဒီခြေစမ်းပွဲအပေါ် သပိတ်မှောက်ခဲ့ပြီး နိုင်ငံရေးကစားပွဲစဉ်အပေါ် တဘက်မှာ နေဖို့ ငြင်းဆန်တယ်လို့ ကြေညာချက်ထုတ်ခဲ့ပါတယ်။ 

ဘောလုံးကို ငြိမ်းချမ်းရေးအမှတ်အသားအဖြစ် အသုံးပြုခဲ့တာဖြစ်ပြီး စစ်ပွဲနဲ့ ပတ်သက်ပြီး အသိပညာပေးမှုတွေ လုပ်ဆောင်နိုင်ခဲ့လို့ ဂုဏ်ယူစရာပွဲစဉ်ဖြစ်တယ်လို့ အိုလံပီယာကော့စ် အားကစားဒါရိုက်တာ ခရစ္စတီယန်က မှတ်ချက်ပေးခဲ့ပါတယ်။ 

ရှက်တာဒိုးနက်အသင်းဟာ ဂရိနိုင်ငံကနေတဆင့် ပိုလန်နိုင်ငံကို ဆက်လက်ထွက်ခွာမှာဖြစ်ပြီး ဧပြီ ၁၄ ရက်မှာ ပိုလန်ကလပ် လေယာအသင်းနဲ့ ခြေစမ်းပွဲထပ်ကစားမှာပါ။ အဲဒီနောက် ဧပြီ ၁၉ ရက်မှာ တူရကီကလပ် ဖီနာဘာချီ၊ မေလ ၁ ရက်မှာ ခရိုအေးရှားကလပ် ဟိုက်ဒွပ် အသင်းနဲ့ ဆက်လက်ကစားမှာ ဖြစ်ပါတယ်။