ယူကရိန်းမှာ လူသားချင်းစာနာမှု အကူအညီတွေပေးနိုင်ဖို့အတွက် အပစ်ရပ်စဲရေး အလားအလာ လောလောဆယ်မှာ မဖြစ်နိုင်သေးဘူးလို့ ကုလသမဂ္ဂက ဧပြီ ၁၈ ရက်က ပြောပါတယ်။ 

ကုလအကူအညီပေးရေး အေဂျင်စီအကြီးအကဲ မာတင် ဂရက်ဖစ်သ်က နယူးယော့ခ် ကုလသမဂ္ဂ ဌာနချုပ်မှာ သတင်းထောက်တွေကို ပြောလိုက်တာပါ။ 

စစ်ဖြစ်နေတဲ့ ဒေသတွေမှာ အရပ်သားတွေကို ကယ်ထုတ်ဖို့ လိုအပ်သလို၊ အရေးပေါ် အကူအညီ ပေးဖို့လည်း လိုအပ်နေတာပါ။ 

ဒါပေမယ့် ဒီလို အကူအညီတွေ ပေးနိုင်ဖို့ အပစ်ရပ်စဲရေးဟာ လာမယ့် ရက်သတ္တပတ်တွေ အတွင်းမှာတော့ ဖြစ်လာကောင်းတယ်လို့ ပြောပါတယ်။ 

ရုရှားရဲ့ ကျူးကျော်စစ်ဟာ ၁၉၄၅ ခုနှစ်နောက်ပိုင်း ဥရောပမှာ အဆိုးရွားဆုံး စစ်ရေးပဋိပက္ခ ဖြစ်ပါတယ်။ 

လူထောင်ချီ သေဆုံး၊ ဒဏ်ရာရပြီး လူ ၇ သန်းလောက်ဟာ အိုးအိမ်စွန့်ခွာခဲ့ရပြီးလို့ နိုင်ငံတကာ ကယ်ဆယ်ရေးကော်မတီက ဆိုပါတယ်။ 

သူအပါအဝင် ရုရှားနဲ့ ယူကရိန်းက အရာရှိတွေဟာ လူသားချင်းစာနာမှု အကူအညီပေးရေးအတွက် အပစ်ရပ်စဲရေး သဘောတူညီကြဖို့ ဒီလထဲမှာ ညှိနှိုင်းထားတာ ရှိပေမယ့် သဘောတူညီချက်မရ သေးဘူးလို့ ဂရက်ဖစ်သ်က ပြောပါတယ်။ 

ဒီတပတ်ထဲမှာ ဂရက်ဖစ်သ်ဟာ တူရကီကိုသွားဖို့ရှိပြီး သမ္မတ တေရစ် အာဒိုဂံနဲ့ တွေ့ဆုံဖို့ ရှိပါတယ်။