ကိုလံဘီယာနိုင်ငံ မြို့တော် ဘိုကိုတာနားအနီး မြို့ငယ်က ဘယ်စီးလက်စ်မြစ်အတွင်းမှာ ဧပြီ ၂၇ ရက်က အဆိပ်သင့်အမြှုပ်တွေ ထနေတာကို တွေ့ရပါတယ်။

မြစ်ထဲကို ဆပ်ပြာစွန့်ပစ်ပစ္စည်းတွေ ရောက်လာလို့ အမြှုပ်ထတာလို့ ဒေသခံအစိုးရက ပြောပေမဲ့ မော့စ်ကေးရာ ရပ်ကွက်သားတွေကတော့ ဒီအမြှုပ်တွေဟာ ဆပ်ပြာကနေပဲ လာတာမဟုတ်ဘဲ အကြွင်းအကျန်တွေက အဆိပ်သင့်နေလို့ လူ့အဖွဲ့အစည်းကို ဆိုးကျိုးသက်ရောက်စေတယ်လို့ ပြောပါတယ်။

အမြှုပ်တွေပေါ်လာတိုင်း အနံ့ဆိုးတွေကြောင့် ဈေးဝယ်တွေ မလာတော့ဘူးလို့ ဒေသခံ ဆိုင်ရှင်တယောက်က မကျေမနပ် ပြောပါတယ်။

ဒေသခံတဦးဖြစ်တဲ့ ကလော့ဒီယာ အဲ့စ်ပါရန်ဇာ ဂါဇွန်ကလည်း "အမြှုပ်တွေထကတည်းက ကျန်းမာရေး ချို့ယွင်းလာတယ်။ အဆုတ်က စတည်းက မကောင်းလို့ ရှူဆေးသုံးနေရတယ်" လို့ ရိုက်တာသတင်းဌာနကို ပြောပါတယ်။