ပီရူးနိုင်ငံ လက်စ်ဘမ်ဘက်စ် ကြေးနီသတ္တုတွင်းအနီးပတ်ဝန်းကျင်ကို အစိုးရက ဧပြီ ၂၇ ရက်မှာ အရေးပေါ်အခြေအနေ ကြေညာလိုက်ပါတယ်။

အရေးပေါ်အခြေအနေ ကြေညာချက်ဟာ လူထုစုဝေးခွင့်နဲ့ ဆန္ဒပြခွင့်လို အရပ်ဘက် လွတ်လပ်ခွင့်တွေကို ဆိုင်းငံ့ထားပါတယ်။

လက်စ်ဘမ်ဘက်စ် ကြေးနီတွင်းမှာ ဧပြီ ၂၇ ရက်က ဆန္ဒပြသူတွေကို နှင်ထုတ်ဖို့ ကြိုးပမ်းနေတယ်လို့ ရိုက်တာသတင်းဌာနက ထုတ်ပြန်ခဲ့ပါတယ်။

သတ္တုတွင်းထဲမှာ တိုင်းရင်းသားတွေက စခန်းချထားပြီး လိပ်ခဲတည်းလည်း အခြေအနေ ဆက်ဖြစ်နေလို့ ထုတ်လုပ်မှု ရပ်ထားရတာ သီတင်းတပတ် ရှိနေပါပြီ။

စခန်းချပြီး ဘယ်လောက်ကြာကြာ နေမလဲလို့ ရိုက်တာသတင်းဌာနက မေးရာမှာ နာမည်မဖော်တဲ့ တိုင်းရင်းသား လယ်သမားတယောက်က သူတို့ ကတိပေးထားတဲ့အတိုင်း မလိုက်နာမချင်း ဆက်နေသွားမယ်လို့ ပြောပါတယ်။