မန်ယူပရိသတ်တွေရဲ့ လုပ်ရပ်ကြောင့် ဥရောပဘောလုံးအဖွဲ့ချုပ်က အသင်းကို ဒဏ်ငွေယူရို ၁ သောင်း ပြစ်ဒဏ်ချမှတ်ခဲ့ပါတယ်။ 

မန်ယူအသင်းပရိသတ်တွေဟာ အက်သလက်တီကိုအသင်းကို ၁ ဂိုး ဂိုးမရှိ နဲ့ ရှုံးနိမ့်ခဲ့တဲ့ ချန်ပီယံလိဂ်ဒုတိယအကျော့ပွဲစဉ်မှာ နည်းပြ ဆီမြွန်နီကို အရာဝတ္ထုတွေနဲ့ ပစ်ပေါက်ခဲ့တာပါ။ 

ပွဲအပြီးမှာ အသင်းအဝတ်လဲခန်းဆီကို လျှောက်လာတဲ့ အက်သလက်တီကို နည်းပြ ဆီမြွန်နီကို မန်ယူပရိသတ်တွေက အရာဝတ္ထုတွေနဲ့ပစ်ပေါက်ခဲ့သလို ဆဲဆိုမှုတွေလည်း ပြုလုပ်ခဲ့တာပါ။ 

ယူနိုက်တက်အသင်းဟာ အက်သလက်တီကို အသင်းကိုရှုံးနိမ့်ခဲ့တာကြောင့် နှစ်ကျော့ပေါင်းရလဒ် ၂ ဂိုး ၁ ဂိုးနဲ့ ချန်ပီယံလိဂ်ပြိုင်ပွဲကနေထွက်ခွာခဲ့ရတာပါ။ 

ဥရောပဘောလုံးအဖွဲ့ချုပ်ဟာ စကော့တလန်ကလပ် ရိန်းဂျားအသင်းကိုလည်း ယူရို ၄၆,၂၅၀ ကျော် ဒဏ်ရိုက်ခဲ့ပါတယ်။ 

ရိန်းဂျားပရိသတ်တွေဟာ ဘရာဂါနဲ့ယူရိုပါလိဂ်ကွာတားဖိုင်နယ်မှာ မီးရူးမီးပန်းတွေ ပစ်ဖောက်ခဲ့သလို အသင်းတာဝန်ရှိသူတွေဟာလည်း ပွဲချိန်နောက်ကျခဲ့ရာမှာ တာဝန်ရှိခဲ့တာကြောင့် ပြစ်ဒဏ်ချမှတ်ခံခဲ့ရတာပါ။ 

အလားတူ လီဗာပူးအသင်းကိုလည်း ဘင်ဖီကာနဲ့ ပထမအကျော့ပွဲစဉ်မှာ ပွဲချိန်နောက်ကျစေမှုကြောင့် ယူရို ၁ သောင်းဒဏ်ရိုက်ခံရပြီး နည်းပြ ယာဂန်ကလော့ပ်ဟာလည်း သတိပေးခံခဲ့ရပါတယ်။ 

ဂါလာတာစာရေးအသင်းကတော့ ဘာစီလိုနာနဲ့ပွဲမှာ ပရိသတ်တွေက ပုလင်းတွေ၊ ပလတ်စတစ်ခွက်တွေနဲ့ ပစ်ပေါက်မှုကြောင့် အဲဒီပွဲကြည့်စင်တန်းကို ၂ နှစ်လောက်အထိ ပိတ်ထားဖို့ ဆိုင်းငံ့ပြစ်ဒဏ်ချမှတ်ခံခဲ့ရပါတယ်။