ဆာလက်နှင့်မာနေးတို့ကို စာချုပ်သက်တမ်းတိုးရေး လီဗာပူး အဆင်မပြေသေး
လီဗာပူးအသင်းဟာ တိုက်စစ်မှူးတွေဖြစ်ကြတဲ့ ဆာလက်နဲ့ ဆာဒီယိုမာနေးတို့ကို စာချုပ်သက် တမ်းတိုးရေး အဆင်မပြေသေးဘဲဖြစ်နေပါတယ်။
ပြီးခဲ့တဲ့ရက်ပိုင်းကတော့ နည်းပြ ယာဂန်ကလော့ပ်ကို ၂၀၂၆ ခုနှစ်အထိ သက်တမ်းတိုးခဲ့ပေမယ့် အသင်းရဲ့ အဓိက ကစားသမားတွေဖြစ်တဲ့ ဆာလင်နဲ့ မာနေးတို့ကို သက်တမ်းတိုးဖို့အတွက်တော့ အဆင်မပြေဖြစ်နေသေးပြီး ရာသီအကုန်မှာ အပြီးသတ်ဆွေးနွေးသွားဖို့ရှိပါတယ်။
နည်းပြယာဂန် ကလော့ပ်ကတော့ သူ့အနေနဲ့ သက်တမ်းတိုးစာချုပ်ချုပ်ဆိုနိုင်ခဲ့တာက ဆာလက်နဲ့ မာနေးတို့ရဲ့ အနာဂတ်နဲ့ သက်ဆိုင်မှု မရှိဘဲ ကစားသမားတွေကိုယ်တိုင်ပဲ ဆုံးဖြတ်ချက်ချရမယ်လို့ ပြောပါတယ်။
“ကျနော်သက် တမ်းတိုးနိုင်ခဲ့ပေမယ့် ဆာလက်နဲ့ မာနေးတို့ရဲ့အနာဂတ်က သူတို့အပေါ်မှာပဲမူတည်ပါတယ်။ ကျနော် နဲ့ ဆက်ဆံရေးပိုင်းမှာတော့ ၂ ယောက်စလုံးနဲ့ အဆင် ပြေပါတယ်။ ကျနော်စာချုပ်သစ်ချုပ်ဆိုတာက သူတို့ ၂ ယောက်အတွက် အပေါင်းလက္ခဏာ တော့ဆောင်နိုင်ပေမယ့် သူတို့သက်တမ်းတိုးဖို့ ကိစ္စအတွက် အဆုံးအဖြတ်တခုတော့မဟုတ်ပါဘူး” လို့ ကလော့ပ်က ပြောပါတယ်။
အီဂျစ်တိုက်စစ်မှူးဆာလက်နဲ့ ဆီနီဂေါတိုက်စစ်မှူး မာနေးတို့ဟာ လာမယ့်နွေရာသီမှာ စာချုပ်သက်တမ်း ကုန်ဆုံးတော့မှာဖြစ်သလို တိုက်စစ်မှူး ဖေမီနိုနဲ့ ကွင်းလယ်လူ နာဘီကီတာတို့ဟာလည်း စာချုပ်သက်တမ်းကုန်ဆုံးတော့မှာဖြစ်ပါတယ်။
