ဧရာဝတီတိုင်း၊ ဖျာပုံမြို့နယ်၊ အမာမြို့၊ ဒေးဒလူကျေးရွာအုပ်စုရှိ ကျင်ကြီးဒေါင့်ကျေးရွာမှာ ဧပြီ ၃၀ ရက် မနက်က  မီးလောင်ကျွမ်းမှုကြောင့် နေအိမ် ၅၅ လုံး မီးလောင်ဆုံးရှုံးခဲ့တယ်လို့ ဒေသခံတွေထံက သိရပါတယ်။

မနက် ၁၁ နာရီကျော်လောက်ကစတင်ကာ မီးလောင်ကျွမ်းခဲ့ပြီး ၁၂ နာရီခွဲလောက်မှာ မီးထိန်းနိုင်ခဲ့ပေမယ့် အိမ်ခြေအနည်းဆုံး ၅၅ လုံးလောက် မီးလောင်းတဲ့အထဲ ပါသွားတယ်လို့ ဒေသခံတွေက ပြောပါတယ်။

"မီးလောင်တာ ၂ နာရီကြာမယ် ခုတော့ အားလုံးငြိမ်းပါပြီ အိမ် ၅၅ လုံးလောက်ပါသွားတယ် ခုစာရင်းရထားတာပြောတာ လူသေဆုံးတာတော့ မရှိဘူး''လို့ ကျင်ကြီးဒေါင့်ကျေးရွာအုပ်ချုပ်ရေးမှူး ဦးဒုံးလုံးကပြောပါတယ်။

မီးလောင်မှုကြောင့် လူသေဆုံးထိခိုက်တာမျိုးမရှိပေမယ့် မီးထဲပါသွားတဲ့အိမ်တွေက သူတွေကို ဘုန်းကြီးကျောင်းမှာ နေရချထားပေးရတယ်လို့ ဆိုပါတယ်။

မီးသတ်ကားတွေလာဖို့ အခက်အခဲရှိတဲ့ ကျေးရွာဖြစ်တာကြောင့် ဒေသခံပြည်သူတွေစုပေါင်းပြီး မီးငြှိမ်းသတ်ခဲ့ရတယ်လို့ ဒေသခံတွေက ပြောပါတယ်။

မီးလောင်မှုနဲ့ပတ်သက်ပြီး စတင်လောင်ကျွမ်းရတဲ့အကြောင်းရင်းကို အတည်ကျမသိရသေးဘူးလို့ ဆိုပါတယ်။