အမေရိကန် အထက်လွှတ်တော်အမတ် မစ်ချ် မက်ကောနဲလ်အပါအဝင် အမတ်တွေဟာ မေ ၁၄ ရက်နေ့က ယူကရိန်းနိုင်ငံ ကီယက်ဗ်ကို ရောက်သွားပြီး သမ္မတ ဇီလန်စကီးနဲ့ တွေ့ဆုံခဲ့ပါတယ်။ 

ရီပက်ပလစ်ကန်ပါတီ အမတ်တွေဖြစ်တဲ့ စူစန် ကောလင်းစ်၊ ဂျွန် ဘာဘရက်ဆိုနဲ့  ဂျွန်ကွန်းတို့လည်း လိုက်ပါသွားကြပါတယ်။ 

ယူကရိန်း သမ္မတက အမေရိကန်အမတ်တွေနဲ့ တွေ့ဆုံဆွေးနွေးတဲ့ ဗွီဒီယိုကလစ်ကို သူ့ရဲ့ ဆိုရှယ်မီဒီယာပေါ်မှာ တင်ထားပြီး ဒါဟာ အမေရိကန် လွှတ်တော်နဲ့ပြည်သူတွေက ယူကရိန်းနဲ့ ရပ်တည်တယ်ဆိုတာကို ပြသတဲ့ ရှင်းလင်းတဲ့ သတင်းစကားဖြစ်တယ်လို့ ရေးသားထားပါတယ်။။ 

ဒီမိုကရေစီတန်ဖိုးနဲ့ လွတ်လပ်ခြင်းအတွက် တိုက်နေရတဲ့တိုက်ပွဲမှာ အခုလိုကူညီပေးတဲ့ အတွက်လည်း လွှတ်တော်အမတ်တွေကို ကျေးဇူးတင်တယ်လို့ ရေးသားထားပါတယ်။ 

ပြီးခဲ့တဲ့ မေ ၁၂ ရက်ကလည်း ဒီမိုကရက်ပါတီနဲ့ ရီပက်ဘလစ်ကန်ပါတီက အထက်လွှတ်တော်အမတ်တွေဟာ ယူကရိန်းအတွက် စစ်ရေးနဲ့ လူသားချင်း စာနာမှုအကူအညီ အမေရိကန် ဒေါ်လာ ၄၀ ဘီလီယံပေးဖို့ ဥပဒေကြမ်းကို အတည်ပြုပေးခဲ့ပါတယ်။