ယူကရိန်းနိုင်ငံ အရှေ့ပိုင်းက လီမန်မြို့ကို အပြည့်အဝ ထိန်းချုပ်ပြီးပြီလို့ ရုရှားကာကွယ်ရေး ဝန်ကြီးဌာနက ပြောလိုက်ပါတယ်။

ဒီမြို့ဟာ ဆေဗယ်ရိုဒန်ညက်စ်မြို့ အနောက်ဘက်က ရထားလမ်းဆုံ အချက်အချာ မြို့ပါ။

ဒန်ညက်စ်ပြည်သူ့သမ္မတနိုင်ငံ ပြည်သူ့စစ်တပ်ဖွဲ့တွေနဲ့ ရုရှားစစ်တပ်တို့ ဒီမြို့ကို သိမ်းပိုက်နိုင်တာလို့ ရုရှားကာကွယ်ရေးဝန်ကြီးဌာန ပြောခွင့်ရ အစ်ဂေါကိုနာရှန်ကို့ဗ်က ပြောပါတယ်။

လေတပ်က ယူကရိန်း ဂျက်လေယာဉ် ၂ စီးကို ပစ်ချခဲ့တယ်။ စစ်ဆင်ရေးအတွင်း ရုရှား ကာကွယ်ရေးတပ်က ရဟတ်ယာဉ်တစီးကို ပစ်ချခဲ့တယ်လို့ သူက အခိုင်အမာ ပြောပါတယ်။

လီမန်မြို့အတွက် ယူကရိန်းနဲ့ ရုရှားတို့ ရက် အတော်ကြာကြာ တိုက်ခဲ့ကြတာပါ။ သောကြာနေ့မှာတော့ ရုရှားဟာ လီမန်မြို့  တမြို့လုံး နီးပါးကို သိမ်းပိုက်ခဲ့ပြီး ယူကရိန်းတပ်တွေက မြို့ အနောက်တောင်ဘက် ၁၂ မိုင်အကွာ စလိုဗန့်စ်ခ်မြို့ကို ထိုးစစ် မဆင်နိုင်အောင် ပိတ်ဆို့ထားတယ်လို့ ယူကရိန်း အစိုးရက ပြောပါတယ်။