ရီးရဲလ်အတွက် အစွမ်းကုန်ပေးဆပ်ကစားမည်ဟု နောက်ခံလူသစ်ရူဒီဂါ ကတိပြု
ရီးရဲလ်မက်ဒရစ်အသင်းအတွက် အစွမ်းကုန်ပေးဆပ်ကစားသွားမယ်လို့ နောက်ခံလူသစ်ရူဒီဂါက ကတိပေးပြောကြားလိုက်ပါတယ်။
ဂျာမနီနောက်တန်းကစားသမား ရူဒီဂါဟာ ချဲလ်ဆီးနဲ့ စာချုပ်သက်တမ်းကုန်ဆုံးခဲ့ ပြီးနောက် ရီးရဲလ်မက်ဒရစ်ဆီကို အလွတ်ပြောင်းရွှေ့ကြေးနဲ့ ပြောင်းရွှေ့လာခဲ့တာပါ။
တစ်ပတ် လုပ်ခ ပေါင် ၃၁၅,၀၀၀ နဲ့ ၄ နှစ်စာချုပ်ချုပ်ဆိုခဲ့ပြီးနောက် အသင်းအတွက် အစွမ်းကုန်ပေး ဆပ်မယ်ဆိုတာကို ကတိပြုကြောင်းနောက်ခံလူရူဒီဂါကပြောပါတယ်။
သူ့မိဘတွေသာမရှိဘူးဆိုရင် ဒီနေရာကိုရောက်နိုင်မှာမဟုတ်လို့ မိဘတွေကို ကျေဇူးတင်ကြောင်း၊ ဒီလိုခမ်းနားကြီးကျယ်တဲ့အသင်းကြီးမှာ ကစားခွင့်ပေးခဲ့တဲ့ အသင်းဥက္ကဋ္ဌကိုလည်း ကျေးဇူးတင်ကြောင်း၊ ဒီအသင်းအတွက် အစွမ်းကုန်ပေးဆပ်ကစားသွားမယ်ဆိုတာ ကတိပြုပြီး ဆုဖလားတွေကိုလည်း ရနိုင်သမျှ ရယူချင်ကြောင်း ရူဒီဂါက ပြောပါတယ်။
ရီးရဲလ်အသင်း ဥက္ကဋ္ဌပီရက်ဇ်ကတော့ ရူဒီဂါဟာ ကမ္ဘာ့အကောင်းဆုံးနောက်ခံလူတစ်ဦးဖြစ်ပြီး ရီးရဲလ်မက်ဒရစ်အသင်းရဲ့ မိသားဝင်တစ်ဦးဖြစ်သွားပြီလို့ ဆိုသွားခဲ့ပါတယ်။
