မန်ယူအသင်းဟာ အကယ်ဒမီထွက် ကစားသမားတဦးဖြစ်တဲ့ အီရတ်လက်ရွေးစင် ဇီဒန်းအစ်ဘယ်ကို နှစ်ရှည်စာချုပ်ချုပ်ဆိုခဲ့ပါတယ်။

အသက် ၁၉ နှစ်ရှိ ကွင်းလယ်လူ အစ်ဘယ်ဟာ ပြီးခဲ့တဲ့နှစ်က အသင်းကြီးနဲ့အတူ ပထမဆုံးအကြိမ် ပွဲထွက်ကစားခွင့် ရရှိခဲ့ပြီး မန်ယူအသင်းက ၂၀၂၅ ခုနှစ်အထိ နှစ်ရှည်စာချုပ် ချုပ်ဆိုခဲ့တာပါ။

အင်္ဂလိပ်ဖခင်နဲ့ အီရတ်မိခင်တို့ကနေ မန်ချက်စတာမှာမွေးခဲ့တဲ့ အစ်ဘယ်ဟာ နိုင်ငံကိုယ်စားပြုအသင်းအဖြစ် အီရတ်အသင်းကို ရွေးချယ်ခဲ့ပြီး ၂ ပွဲ ကစားပေးခဲ့ပြီး ဖြစ်ပါတယ်။

အီရတ် ယူ-၂၃ အသင်းအတွက်လည်း ကစားပေးခဲ့ဖူးတဲ့ ဇီဒန်းအစ်ဘယ်ဟာ ၂၀၁၉ ခုနှစ်ကတည်းက မန်ယူအသင်း အကယ်ဒမီကို စတင်ရောက်ရှိခဲ့သူပါ။

အစ်ဘယ်ဟာ ပြီးခဲ့တဲ့ရာသီက ဆွစ်ဇာလန်ကလပ် ယန်းဘွိုင်းနဲ့ ကစားခဲ့တဲ့ ချန်ပီယံလိဂ်ပွဲစဉ်မှာ ပွဲပြီးခါနီးအချိန် လူစားဝင်ကစားခဲ့ပြီး ချန်ပီယံလိဂ်ပြိုင်ပွဲကစားဖူးတဲ့ ပထမဆုံး ဗြိတိသျှ-တောင်အာရှသားအဖြစ် မှတ်တမ်းတင်နိုင်ခဲ့ပါတယ်။