ဖရန့်ကီဒီယောင်အတွက် မန်ယူအသင်း နောက်ဆုံးအကြိမ် ကမ်းလှမ်းမည်
4
မန်ယူအသင်းဟာ ဘာစီလိုနာကွင်းလယ်လူ ဖရန့်ကီဒီယောင်ကိုခေါ်ယူနိုင်ရေးအတွက် နောက်ဆုံးအကြိမ်ကမ်းလှမ်းသွားဖို့ရှိပါတယ်။
ကွင်းလယ်နေရာအတွက် ကတ်စမဲရိုးကို ခေါ်ယူထားပေမဲ့ ဖရန့်ကီဒီယောင်ကို ခေါ်ယူဖို့အစီအစဉ်ကို ရုပ်သိမ်းသွားမှာမဟုတ်ဘဲ နောက်ဆုံးအကြိမ်ကမ်းလှမ်းဖို့ စီစဉ်ထားတာပါ။
မန်ယူအသင်းတာဝန်ရှိသူတွေဟာ တစ်ပတ်အတွင်းမှာပဲ ဘာစီလိုနာ အသင်းဆီ ကိုယ်တိုင်ကိုယ်ကျသွားရောက်ပြီး နောက်ဆုံးအကြိမ် ကမ်းလှမ်းသွားမှာဖြစ်ကြောင်း ကတ်တလန်အခြေစိုက် သတင်းဌာန Sport ကဖော်ပြပါတယ်။
ဘာစီလိုနာအသင်းဟာ ဘဏ္ဍာရေးအကျပ်အတည်းတွေပြေလည်ဖို့အတွက် ဒီယောင်ကို ရောင်းချသွားလိုပြီး ကစားသမားဖြစ်သူနဲ့ နောက်ဆုံးအကြိမ် ဆွေးနွေးသွားဖို့ရှိပါတယ်။
