တိုက်စစ်ကစားသမား ပက်ဒရိုနက်တိုအတွက် အာဆင်နယ်ဘက်က တရားဝင်ကမ်းလှမ်းတာ မရှိသေးကြောင်း ဝုဗ်နည်းပြ ဘရူနိုလက်ချ်က အတည်ပြုပြောပါတယ်။

အာဆင်နယ်ဟာ နိစ်အသင်းဆီ အငှားချခဲ့တဲ့ နီကိုလပ်စ်ပေပေနေရာအတွက် ဝုဗ်တောင်ပံတိုက်စစ်ကစားသမား နက်တိုကိုခေါ်ယူဖို့ ကြိုးပမ်းနေတယ်လို့ သတင်းထွက်ပေါ်ခဲ့တာပါ။

နက်တိုနဲ့ အာဆင်နယ်တို့ရဲ့ အပြောင်းအရွှေ့သတင်းတွေ ကြားသိနေရပေမဲ့ မိမိဆီကိုတော့ သတင်းပို့လာခြင်း မရှိသေးကြောင်း၊ ကစားသမားကောင်းတွေ ရှိတဲ့အတွက် တခြားအသင်းတွေရဲ့ စိတ်ဝင်စားမှုခံရတာကလည်း မထူးဆန်းကြောင်း နည်းပြ ဘရူနိုလက်ချ်က ပြောပါတယ်။

ဝုဗ်ဟာ ကွင်းလယ်နဲ့ တိုက်စစ်ပိုင်းအတွက် ဗလင်စီယာက ဂွီဒက်စ်၊ စပို့တင်းလစ္စဘွန်းက နူနက်ဇ်တို့ကိုလည်း ခေါ်ယူထားပါတယ်။

ဒါကြောင့် နက်တိုအတွက် သတ်မှတ်ထားတဲ့ ပြောင်းရွှေ့ကြေး ပေါင်သန်း ၅၀ လောက် ပေးချေမယ်ဆိုရင် ရောင်းချဖို့ ပြင်ဆင်ထားပါတယ်။