တိုက်စစ်မှူးရက်ရှ်ဖို့ဒ် သွင်းဂိုး ၂၀ အနည်းဆုံးသွင်းယူနိုင်မည်ဟု မန်ယူနည်းပြ မျှော်လင့်
မန်ယူတိုက်စစ်မှူး ရက်ရှ်ဖို့ဒ်အနေနဲ့ တရာသီအတွင်းမှာ သွင်းဂိုး ၂၀ အနည်းဆုံးသွင်းယူနိုင်လိမ့် မယ်လို့ နည်းပြတန်ဟတ်ဂ်က မျှော်မှန်းထားပါတယ်။
ရက်ရှ်ဖို့ဒ်ဟာ ရာသီအစပိုင်းက အသင်းပြောင်းရွှေ့ဖို့ အထိသတင်းထွက်ခဲ့ပေမဲ့ နောက်ပိုင်းပွဲစဉ်တွေမှာ ခြေစွမ်းပြဂိုးတွေသွင်းနိုင်ခဲ့ပါတယ်။
သူဟာ လီဗာပူးနဲ့ပွဲမှာတစ်ဂိုး၊ အာဆင်နယ်နဲ့ပွဲမှာ နှစ်ဂိုးသွင်းခဲ့ပြီး ပွဲစဉ် ၆ ပွဲကစားအပြီးမှာ သွင်းဂိုး ၃ ဂိုး၊ ဂိုဖန်တီးမှု ၂ ကြိမ်ပြုလုပ်နိုင်ခဲ့တာပါ။
နည်းပြတန်ဟတ်ဂ်ကတော့ ရက်ဖို့ဒ်အနေနဲ့ တစ်ရာသီအတွင်းမှာ ဂိုး ၂၀ အနည်းဆုံး သွင်းယူနိုင်မယ့်သူဖြစ်ပြီး ယူနိုက်တက်တိုက်စစ်ကို ဦးဆောင်နိုင်မယ့်သူလို့ ချီးကျူးခဲ့တာပါ။
နည်းပြတန်ဟတ်ဂ်ဟာ ရော်နယ်ဒိုကိုအရန်ခုံမှာ ထားရှိပြီး အင်္ဂလန်တိုက်စစ်မှူးရှက်ရှ်ဖို့ဒ်ကိုပဲ ဦးစားပေး တိုက်စစ်မှူးအဖြစ်သတ်မှတ်ထားကြောင်း The Sun သတင်းဌာနကို နည်းပြတန်ဟတ်ဂ်ကပြောပါတယ်။
ရက်ဖို့ဒ်ဟာ မန်ယူအသင်းနဲ့အတူ ခြေစွမ်းကောင်းပြသနေတာ ကြောင့် အင်္ဂလန်လက်ရွေးစင်အသင်းမှာလည်း ပြန်လည်ရွေးချယ်ခံရဖို့ရှိနေပါတယ်။
