စနေနေ့မှာကစားရမယ့် လန်ဒန်ဒါဘီပွဲစဉ်မတိုင်ခင်မှာ ပြိုင်ဘက်အာဆင်နယ်ရဲ့ခြေစွမ်းကို စပါးနည်းပြ ကွန်တီကချီးကျူးလိုက်ပါတယ်။

အာဆင်နယ်နဲ့ စပါးအသင်းတို့ဟာ စနေနေ့ညနေ ၆ နာရီ အီမရိတ် ကွင်းမှာ ပရီးမီးယားလိဂ်ပွဲစဉ် ယှဉ်ပြိုင်ကစားကြရမှာပါ။

အဲဒီပွဲမတိုင်ခင် သတင်းစာရှင်းလင်းပွဲမှာတော့ နည်းပြကွန်တီက အာဆင်နယ်အသင်း ခြေစွမ်းတိုးတက်လာကြောင်းချီးကျူးခဲ့ပြီး နည်းပြ အာတေတာကိုလည်း ချီးကျူးခဲ့တာပါ။

အာဆင်နယ်အသင်းဟာ ပြီးခဲ့တဲ့ရာသီကတည်းက ခြေစွမ်းကောင်းမွန်တဲ့အသင်းဖြစ်ခဲ့ပြီး နောက်ဆုံး ၃ ပွဲအလိုရောက်မှသာ စပါးအသင်းကကျော်တက်ပြီး ချန်ပီယံလိဂ်ဝင်ခွင့်ရခဲ့တာဖြစ် ကြောင်းနည်းပြကွန်တီကပြောပါတယ်။

ဒါ့အပြင် အာဆင်နယ်နည်းပြအာတေတာဟာလည်း အမှန်တကယ်ကောင်းမွန်တဲ့ နည်းပြဖြစ်ကြောင်း ကွန်တီက ချီးကျူးသွားခဲ့ပါတယ်။