အာဆင်နယ်အသင်းဟာ လာမယ့် ဇန်နဝါရီ အပြောင်းအရွှေ့မှာ ဗီလာကွင်းလယ်လူ ဒေါက်ဂလပ် လူးဝစ်ကို ခေါ်ယူဖို့ တတိယအကြိမ်မြောက် ကမ်းလှမ်းဖို့ စီစဉ်နေပါတယ်။

အာဆင်နယ်ဟာ ပြီးခဲ့တဲ့ နွေရာသီအပြောင်းအရွှေ့ကတည်းက ဗီလာကွင်းလယ်လူကို ခေါ်ယူဖို့ ၂ ကြိမ်တိုင်တိုင် ကမ်းလှမ်းခဲ့ပေမဲ့ ပယ်ချခံခဲ့ရတာပါ။ အသက် ၂၄ နှစ်ရှိ ဘရာဇီးကွင်းလယ်လူဟာ ရာသီအကုန်မှာ ဗီလာနဲ့ စာချုပ်သက်တမ်း ကုန်ဆုံးမှာဖြစ်ပြီး အာဆင်နယ်ကို ပြောင်းရွှေ့ဖို့ ဆန္ဒရှိပါတယ်။

ဗီလာဘက်က ပြောင်းရွှေ့ကြေး ပေါင် ၂၃ သန်းလောက် အလိုရှိနေပြီး အာဆင်နယ်နဲ့ ဆွေးနွေးဖို့ပဲ ရှိနိုင်ကြောင်း The Sun သတင်းမှာ ဖော်ပြပါတယ်။

ကွင်းလယ်လူ သောမက်စ်ပါတေးရဲ့ ဒဏ်ရာပြဿနာကြောင့်လည်း လူးဝစ်ကိုခေါ်ယူဖို့ တွန်းအားဖြစ်စေခဲ့တာပါ။

မန်စီးတီးလူငယ်ကစားသမားဟောင်း လူးဝစ်ဟာ စပိန်ကလပ် ဂျီရိုနာမှာ အငှားထွက်ကစားခဲ့ပြီးနောက် ၂၀၁၉ ခုနှစ်က ဗီလာအသင်းဆီကို အပြီးသတ် ပြောင်းရွှေ့ခဲ့တာ ဖြစ်ပါတယ်။