မန်စီးတီးအသင်းအနေနဲ့ မန်ယူအသင်းနဲ့ ဒါဘီပွဲစဉ်မှာ ၆ ဂိုးထက်ပိုမိုသွင်းယူနိုင်ခဲ့သင့်ကြောင်း နည်းပြဂွာဒီယိုလာက ပြောပါတယ်။

မန်စီးတီးအသင်းဟာ မန်ယူအသင်းကို ပထမပိုင်းမှာပဲ ၄ ဂိုးသွင်းခဲ့ပြီး ပွဲအပြီးမှာ ၆ ဂိုး ၃ဂိုး နဲ့ အနိုင်ရခဲ့ပါတယ်။

ပွဲအပြီး စကိုင်းစပေါ့နဲ့ အင်တာဗျူးမှာတော့ မန်စီးတီးအသင်းအနေနဲ့ ပထမပိုင်းမှာ ၄ ဂိုးထက်ပိုပြီး သွင်းနိုင်ခဲ့သင့်ကြောင်း၊

ဒုတိယပိုင်းမှာ မန်ယူအသင်းက ပိုကောင်းတဲ့အသင်းဖြစ်ခဲ့ပေမယ့် ပရိသတ်တွေအတွက် ကောင်းမွန်တဲ့ပွဲစဉ်ဖြစ်ခဲ့ကြောင်း နည်းပြဂွာဒီယိုလာကပြောပါတယ်။

မန်စီးတီးအသင်းဟာ မန်ယူအသင်းဘက်ကို ဖိအားပေး ကစားနိုင်ခဲ့ပေမဲ့ ကစားသမားတချို့ကတော့ တိုးတက်ဖို့ လိုအပ်နေသေးကြောင်း၊ ကြားရက်မှာ ကစားရမယ့် ချန်ပီယံလိဂ်ပွဲစဉ်မှာ သက်သေပြဖို့လိုအပ်ကြောင် နည်းပြဂွာဒီယိုလာကပြောသွားပါတယ်။