ဒါဝင်နူနက်ဇ်ခြေစွမ်းပြရန် အချိန်တစ်ခုလိုအပ်ဟု နည်းပြကလော့ပ်သုံးသပ်

တိုက်စစ်မှူးဒါဝင်နူနက်ဇ်ခြေစွမ်းပြဖို့ အချိန်တစ်ခုလိုအပ်ကြောင်း လစ်ဗာပူးနည်းပြ ယာဂန်ကလော့ပ်က ပြောပါတယ်။
ဥရုဂွေးတိုက်စစ်မှူးဟာ အခုနှစ်ရာသီအစကမှ ဘင်ဖီကာ အသင်းကနေ ပေါင် ၈၅ သန်းနဲ့ ပြောင်းရွှေ့လာခဲ့တာပါ။
နူနက်ဇ်ဟာ ပရီးမီးယားလိဂ် ၄ ပွဲကစားအပြီးမှာ ၁ ဂိုးပဲ သွင်းယူနိုင်သေးပြီး အသင်းမှာ အံဝင်ဖို့ ကြိုးပမ်းနေရဆဲဖြစ်ကြောင်း နည်းပြကလော့ပ်ကပြောပါတယ်။
“ဒါဝင်နူနက်ဇ်တစ်ယောက် အသားကျဖို့လုပ်ဆောင်နေရဆဲဆိုတာ မှန်ပါတယ်။ ကျနော်တို့ ခေါ်လိုက်တဲ့ကစားသမားတိုင်းက အမြဲတမ်းအံဝင်တာများပါတယ်။ လူသစ်ရောက်လာတိုင်း အားလုံးကသူ့အကြောင်းပြောကြပြီး ချက်ခြင်းခြေစွမ်းပြစေချင်ကြတယ်။ ဒါက အချိန်တစ်လိုအပ်ပါ တယ်။ တချို့ကျတော့လည်း မလိုအပ်တာမျိုးရှိတယ်”လို့ နည်းပြကလော့ပ်က ပြောပါတယ်။
တိုက်စစ်မှူးနူနက်ဇ်ဟာ စပိန်နဲ့ ပေါ်တူဂီစကားပဲပြောတက်တာကြောင့် လက်ထောက်နည်းပြနဲ့ အချိန်ကြာအောင်စကားပြောခဲ့ပြီးဖြစ်ကြောင်း၊ ကစားသမားဘက်က ခြေစွမ်းပြဖို့ စိုးရိမ်စရာမရှိသလို အသင်းဘက်ကလည်း စိုးရိမ်စရာမရှိကြောင်း နည်းပြကလော့ပ်က ပြောသွားပါတယ်။