မော်စကိုဟာ နျူးကလီးယားစစ်ပွဲကိုဆင်နွှဲဖို့ လုံးဝခွင့်မပြုတဲ့မူကို အပြည့်အ၀ ကတိကဝတ်ပြုထားကြောင်း ရုရှားနိုင်ငံခြားရေးဌာန ပြောခွင့်ရအမျိုးသမီး မာရီယာဇာခါရိုဗာက အောက်တိုဘာ ၆ ရက် သတင်းစာ ရှင်းလင်းပွဲမှာ ပြောပါတယ်။

ယူကရိန်းနဲ့ ၇ လကြာ ပဋိပက္ခအတွင်း သိသိသာသာ အရှိန်တက်လာတာနဲ့အမျှ ကြောက်ရွံ့မှုတွေ ကြီးထွားလာချိန်မှာ နျူးကလီးယာစစ်ပွဲ ဘယ်တော့မှ မဖြစ်စေရဘူးဆိုတဲ့ မော်စကိုရဲ့အနေအထား ဟာ ပြောင်းလဲသွားဖို့ မရှိကြောင်း ဇာခါရိုဗာက ပြောသွားတာပါ။

“အချိန်တိုင်း ထစ်ခနဲရှိ နျူကလီးယား စကားလုံးတွေကို ပြောထွက်ဖို့ မရည်ရွယ်ဘူး”လို့ သူက ဆိုပါတယ်။

ဒါဟာ နေတိုး-ဗဟိုပြု ဖွဲ့စည်းပုံတွေနဲ့ နိုင်ငံတွေက ဒီဇိုင်းထုတ်ထားတာဖြစ်ပြီး ဒါကိုလည်း မီဒီယာနဲ့ အွန်လိုင်း သတင်းအချက်အလက်နယ်ပယ်မှာ သူတို့အကျိုးကို ဆောင်ရွက်နေသူတွေနဲ့ ဒါကို လိုက်လုပ်နေသူတွေက လုပ်ဆောင်နေတာလို့ ဆိုပါတယ်။

ရုရှားဖက်ဒရေးရှင်းဟာ နျူကလီးယားစစ်ပွဲကို ဘယ်တော့မှ လက်မခံဘူး ဆိုတဲ့ ရပ်တည်ချက်ကို လုံးဝပြောင်းလဲမှာ မဟုတ်တဲ့အတွက် နောက်ထပ် ဖြေရှင်းချက်တွေ ဖတ်ပြနေတော့မှာ မဟုတ်ဘူး လို့လည်း ပြောပါတယ်။

သမ္မတ ဗလာဒီမာ ပူတင်ကတော့ ရုရှားရဲ့ နယ်မြေစိုးမိုးရေးကို ကာကွယ်ဖို့ နျူကလီးယားလက်နက်ကို အသုံးပြုလိုက်ချင်စိတ်ကို ဟန်ဆောင် ဖုံးကွယ်နေမှာ မဟုတ်ဘူးလို့ အရင်တုန်းက ပြောထားဖူးပါတယ်။