မြောက်ကိုရီးယားရဲ့ နျူကလီးယားလက်နက်တွေ၊ ပဲ့ထိန်းဒုံးကျည် အစီအစဉ်တွေနဲ့ ပတ်သက်ပြီး ချမှတ်ထားတဲ့ ပိတ်ဆို့မှုတွေကို အားကောင်းအောင် ကြိုးစားနေတာကို တရုတ်နဲ့ ရုရှားက ကာကွယ်ပေးရင်း မြောက်ကိုရီးယားကို ပံ့ပိုးပေးခဲ့တယ်လို့ အမေရိကန်က အောက်တိုဘာ ၅ ရက်မှာ စွပ်စွဲခဲ့ပါတယ်။

လုံခြုံရေးကောင်စီ အမြဲတမ်းအဖွဲ့ဝင် တရုတ်နဲ့ ရုရှားက ကင်မ်ဂျုံအန်းကို အထောက်အကူ ပေးထားတယ်လို့ ကုလသမဂ္ဂဆိုင်ရာ အမေရိကန်သံအမတ်ကြီး လင်ဒါ သောမတ်စ် ဂရင်းဖီးလ်ဒ်က ပြောခဲ့ပါတယ်။

“မြောက်ကိုရီးယားဟာ ကုလသမဂ္ဂ လုံခြုံရေးကောင်စီအဖွဲ့ဝင် နှစ်ဦးရဲ့ အကာအကွယ်ကို ခံစားခဲ့ရပါတယ်။”

နျူကလီးယားလက်နက် ပိုင်ဆိုင်ထားတဲ့ မြောက်ကိုရီးယားက ငါးနှစ်အတွင်း ပထမဆုံးအကြိမ်အဖြစ် ဂျပန်နိုင်ငံကို ဖြတ်ကျော်ဝင်ရောက်လာတဲ့ ဒုံးကျည်ကို အင်္ဂါနေ့က ပစ်လွှတ်ခဲ့အပြီး အဲဒီနေရာမှာ နေထိုင်သူတွေကို အကာအကွယ်ပေးဖို့ သတိပေးချက် ထွက်ပေါ်လာခဲ့ပါတယ်။ အဲဒီနောက် လုံခြုံရေးကောင်စီက  ဗုဒ္ဓဟူးနေ့မှာ တွေ့ဆုံ ဆွေးနွေးခဲ့ပါတယ်။

တရုတ်နဲ့ ရုရှားတို့က အခြေအနေကို ဖြေလျှော့ဖို့ သင့်လျော်မှာမဟုတ်ဘူးလို့ ငြင်းရင်း ကောင်စီ အစည်းအဝေးကို မလိုလားကြပါဘူး။

မြောက်ကိုရီးယားကို နျူကလီးယား မစမ်းသပ်ဖို့နဲ့ ပဲ့ထိန်းဒုံးကျည်တွေ မပစ်လွှတ်ဖို့ လုံခြုံရေးကောင်စီက နှစ်ပေါင်းများစွာ ပိတ်ပင်ခဲ့ပြီး အဲဒီအစီအစဉ်တွေအတွက် ရန်ပုံငွေ ဖြတ်တောက်ဖို့ နှစ်ပေါင်းများစွာ ကြိုးစားခဲ့ကြပါတယ်။

မကြာသေးမီနှစ်တွေက ဗီတိုအာဏာပိုင်ရှင် တရုတ်နဲ့ ရုရှားတို့က မြောက်ကိုရီးယားအပေါ် လူသားချင်း စာနာထောက်ထားမှုဆိုင်ရာ ရည်ရွယ်ချက်တွေအတွက် ပိတ်ဆို့အရေးယူမှုတွေကို ဖြေလျှော့ပေးပြီး ကင်မ်ဂျုံအန်းကို နျူကလီးယား ကင်းစင်စေရေး ဆွဲဆောင်ဖို့ ရည်ရွယ်ရင်း မြောက်ကိုရီးယားအစိုးရကို နိုင်ငံတကာဆွေးနွေးပွဲတွေဆီ ပြန်ဆွဲဆောင်ဖို့ အကြံပြုထားပါတယ်။

တရုတ်နဲ့ ရုရှားတို့က မြောက်ကိုရီးယားကို နှိုးဆော်တဲ့အနေနဲ့ အမေရိကန်နဲ့ တောင်ကိုရီးယားတို့ရဲ့ ပူးတွဲစစ်ရေးလေ့ကျင့်မှုကို အပြစ်တင်ကြတာပါ။

ကုလသမဂ္ဂဆိုင်ရာ အမေရိကန် သံအမတ်ကြီးကတော့ သူတို့ရဲ့မှတ်ချက်ကို ပယ်ချခဲ့ပြီး လုပ်ဆောင်ချက်နှစ်ခုကြားမှာ တန်ဖိုးမတူဘူးလို့ ပြောခဲ့ပါတယ်။