ဒီကနေ့မနက် ကစားသွားတဲ့ ဥရောပချန်ပီယံလိဂ်ပွဲစဉ်တွေမှာ ရလဒ်မကောင်းခဲ့တဲ့ ဘာစီလိုနာနဲ့ အက်သလက်တီကိုအသင်းတို့ ပြိုင်ပွဲကနေ ထွက်ခဲ့ရပါတယ်။

ဘာစီလိုနာအသင်းဟာ အုပ်စုပြိုင်ဘက် အင်တာမီလန်က အနိုင်ရသွားတာကြောင့် ပွဲမတိုင်ခင်ကတည်းက အုပ်စုတက်ရေး မျှော်လင့်ချက်မရှိခဲ့ဘဲ ဘိုင်ယန်မြူးနစ်ကို အိမ်ကွင်းမှာ ၃ ဂိုး ဂိုးမရှိနဲ့ ရှုံးနိမ့်ခဲ့တာပါ။

တချိန်တည်းကစားခဲ့တဲ့ အက်သလက်တီကို အသင်းဟာလည်း ဂျာမန်ကလပ် ‌ေလဗာကူဆင်ကို ၂ ဂိုးစီသရေသာ ကစားနိုင်ခဲ့လို့ ပြိုင်ပွဲကနေ ထွက်ခဲ့ရတာပါ။

အက်သလက်တီကိုအသင်းဟာ ပွဲပြီးခါနီး ပွဲချိန် ၉၉ မိနစ်မှာ ပင်နယ်တီရရှိခဲ့ပေမဲ့ ကာရစ္စကိုက ဝင်အောင်ကန်သွင်းနိုင်ခြင်းမရှိလို့ နစ်နာခဲ့ရတာပါ။

အက်သလက်တီကိုဟာ ပြိုင်ပွဲကထွက်ခဲ့ရသလို ယူရိုပါလိဂ်ကို ဆင်းကစားခွင့်ရဖို့ အတွက်လည်း အုပ်စုနောက်ဆုံးပွဲစဉ်အထိ ယှဉ်ပြိုင်သွားရမှာပါ။ ဘာစီလိုနာကတော့ ယူရိုပါလိဂ်ကို ဆင်းကစားခွင့်ရရှိမှာ ဖြစ်ပါတယ်။