မန်ယူအသင်းပိုင်ရှင်တွေဖြစ်ကြတဲ့ ဂလေဇာမိသားစုဟာ အသင်းကို ဂရုစိုက်မှုမရှိကြောင်း ရော်နယ်ဒိုက ဝေဖန်ပါတယ်။

Talk TV နဲ့ အင်တာဗျူးအစီအစဉ်မှာ ရော်နယ်ဒိုက မန်ယူနည်းပြ တန်ဟတ်ဂ်အပါအဝင် အသင်းတာဝန်ရှိသူတွေနဲ့ ပိုင်ရှင်တွေကိုပါ ဝေဖန်ခဲ့တာပါ။

မန်ယူနိုက်တက်အသင်းဟာ စီးပွားရေးဆန်တဲ့အသင်းဖြစ်ပြီး ငွေကြေးကိုပဲ ကြည့်ကြောင်း၊ ပိုင်ရှင်တွေဟာ အသင်းအပေါ် ဂရုစိုက်မှုမရှိတာကြောင့် အချိန်တိုအတွင်း ထိပ်တန်းအဆင့်ဆီ ပြန်ရောက်ဖို့ခက်ခဲကြောင်း ရော်နယ်ဒိုက ဝေဖန်ခဲ့တာပါ။

ဒါ့အပြင် ဂလေဇာမိသားစုနဲ့လည်း တစ်ကြိမ်တစ်ခါမှ တွေ့ဆုံဖူးခြင်းမရှိကြောင်း ရော်နယ်ဒိုက ထုတ်ဖော်ပြောသွားပါတယ်။

ယူနိုက်တက်အသင်းဘက်ကတော့ ရော်နယ်ဒိုရဲ့ ဝေဖန်မှုတွေအပေါ် ပြန်လည်စစ်ဆေးသုံးသပ်နေပြီး အရေးယူမှုပြုလုပ်ဖို့ စီစဉ်နေပါတယ်။

ရော်နယ်ဒိုဟာ ယူနိုက်တက်အသင်းနဲ့ တာဝန်ရှိသူတွေကို ဝေဖန်ခဲ့တာကြောင့် ကမ္ဘာ့ဖလားအပြီးမှာ အသင်းဆီ ပြန်လာဖွယ်မရှိတော့ဘူးလို့ လေ့လာသူတွေက သုံးသပ်ကြပါတယ်။