အာဂျင်တီးနားတိုက်စစ်မှူးမက်ဆီအနေနဲ့ ကမ္ဘာ့ဖလားသာ မရခဲ့ရင် မျှတမှုရှိမှာမဟုတ်ကြောင်း စပိန်အသင်းနည်းပြအင်းနရစ်က ပြောပါတယ်။

မက်ဆီဟာ ကလပ်အသင်းနဲ့အတူ ဆုဖလားပေါင်း စုံရယူနိုင်ခဲ့သလို အာဂျင်တီးနားနဲ့အတူ အိုလံပစ်နဲ့ ကိုပါအမေရိကဖလားတွေရယူနိုင်ခဲ့ပြီးပါပြီ။

ဒါပေမဲ့ ကမ္ဘာ့ဖလားပြိုင်ပွဲမှာတော့ ၂၀၁၄ ခုနှစ်ပြိုင်ပွဲမှာ ဗိုလ်လုပွဲတက်ရောက်ခဲ့တာက အမြင့်မားဆုံးစွမ်းဆောင်မှုဖြစ်ပြီး ကမ္ဘာ့ချန်ပီယံဆုဖလားရယူနိုင်ခြင်းမရှိသေးတာပါ။

အသက် ၃၅ နှစ်ရှိ မက်ဆီဟာ အခုနှစ် ကာတာကမ္ဘာ့ဖလားမှာ သူ့ရဲ့နောက်ဆုံး ကမ္ဘာ့ဖလားပြိုင်ပွဲဖြစ်လာဖိုရှိပါတယ်။

မက်ဆီအနေနဲ့ သူ့ရဲ့ကစားသမားဘဝမှာ ကမ္ဘာ့ဖလားချန်ပီယံဆုဖလားမရယူနိုင်ခဲ့ဘူးဆိုရင် မျှတမှုရှိ မှာ မဟုတ်ကြောင်း၊ စပိန်အသင်းသာ ကမ္ဘာ့ချန်ပီယံမဖြစ်ခဲ့ဘူးဆိုရင် မက်ဆီဦးဆောင်တဲ့ အာဂျင်တီးနားအသင်းကို ချန်ပီယံဖြစ်စေချင်ကြောင်း နည်းပြအင်းနရစ်ကပြောခဲ့တာပါ။

စပိန်နည်းပြအင်းနရစ်ဟာ ဘာစီလိုနာအသင်းကိုတာဝန်ယူစဉ်က မက်ဆီနဲ့ လက်တွဲခဲ့ဖူးသူဖြစ်ပါတယ်။