ပီရူးနိုင်ငံအနောက်ပိုင်းရှိ ကယ်လာအိုဆိပ်ကမ်းမြို့က စွန့်ပစ်ထားတဲ့ အိမ်တအိမ်မှာ ကိုကင်းမူးယစ်ဆေးဝါး ၃တန် အထိ  ဖမ်းဆီးရမိခဲ့တယ်လို့ ဇန်နဝါရီ ၆ ရက်မှာ ပီရူးရဲတပ်ဖွဲ့က ပြောပါတယ်။ 

ပြီးခဲ့တဲ့ ၂ နှစ်အတွင်း အကြီးမားဆုံးဖမ်းဆီးရမိခဲ့တဲ့ မူးယစ်ဆေးဝါးတင်ပို့မှုဟာ နေအိမ်တခုရဲ့  ကြမ်းခင်းတုအောက် ဖွက်ထားတဲ့ တအိတ်မှာ အနည်းဆုံး မူးယစ်ဆေးဝါးအထုပ် ၇၀ အထိ ပါဝင်တဲ့ အိတ် ၅၁ အိတ်ကို တာဝန်ရှိသူတွေက တွေ့ရှိခဲ့တာပါ။

ဒီစစ်ဆင်ရေးနဲ့ သိမ်းဆည်းရမိတဲ့ မူးယစ်ဆေးဝါးဆိုင်ရာ ဗွီဒီယိုမှတ်တမ်းတခုကိုလည်း ရဲတပ်ဖွဲ့က ထုတ်ပြန်ခဲ့ပါတယ်။ 

ပီရူးရဲတပ်ဖွဲ့က နေအိမ်ကိုဝင်ရောက်စီးနင်းရာမှာ လူ ၄ ဦး ဖမ်းဆီရမိခဲ့သလို ဒီမူးယစ်ဆေးဝါးတွေ ဟာလည်း ဇန်နဝါရီ ၇ ရက်မနက်အစောပိုင်းအချိန်တွေမှာ တင်ပို့ဖို့   အဆင့်သင့် ပြင်ထားတာလို့ သိရပါတယ်။