ဆော်ဒီအာရေဗျနိုင်ငံခြားရေးဝန်ကြီးဟာ ယူကရိန်းနိုင်ငံဆီ အလည်အပတ် ခရီးစဉ်အတွင်း ယူကရိန်းအတွက် သူထောက်ခံတယ်လို့ ဖေဖော်ဝါရီ ၂၆ ရက်က ထပ်လောင်း ပြောဆိုလိုက်ပါတယ်။

ဆော်ဒီမင်းသားနဲ့ နိုင်ငံခြားရေးဝန်ကြီး ဖိုင်ဆယ်ဘင်ဖာဟန်အယ်လ်ဆွတ်ဟာ ယူကရိန်းသမ္မတ ဗိုလိုဒီမာ ဇလန်းစကီးနဲ့ တွေ့ဆုံခဲ့တာပါ။

ဆော်ဒီရဲ့ ပူးပေါင်းဆောင်ရွက်မှုနဲ့ အကူအညီတွေ ပေးအပ်မှုအတွက် ကျေးဇူးတင်ကြောင်း ဇလန်းစကီးက ပြောပါတယ်။ ယူကရိန်းနဲ့ ဆော်ဒီဟာ ၁၉၉၃ ခုနှစ်မှာ တရားဝင် သံတမန်ဆက်ဆံရေးကို စတင်ခဲ့တာပါ။

အောက်တိုဘာလတုန်းက ဆော်ဒီဟာ ယူကရိန်းကို လူသားချင်းစာနာမှုအကူအညီ အမေရိကန် ဒေါ်လာ သန်း ၄၀၀ ပေးမယ်လို့ ပြောခဲ့ပါတယ်။ ဒါ့အပြင် တင်းမာမှုဖြေလျှော့ရေး ထောက်ပံ့ပေးမယ့် အရာအားလုံးကို ပံ့ပိုးပြီး ကြားဝင်ဖျန်ဖြေရေး အားထုတ်မှုတွေ ဆက်လုပ်ဖို့ ဆော်ဒီက အဆင်သင့်ပဲလို့ ဆော်ဒီနိုင်ငံခြားရေးဝန်ကြီးက တိတိကျကျ ပြောခဲ့ကြောင်း ဆော်ဒီအစိုးရရုပ်သံ SPA က ပြောပါတယ်။

ဆော်ဒီအိမ်ရှေ့မင်းသား မိုဟမ်မဒ် ဘင်ဆယ်လ်မန်က ကြားဝင် ဖျန်ဖြေပေးခဲ့လို့ ရုရှားက ၂၀၂၂ စက်တင်ဘာမှာ အမေရိကန် ၂ ယောက်နဲ့ ဗြိတိန် ၅ ယောက် အပါအဝင် နိုင်ငံခြားသား ၁၀ ယောက်ကို  ပြန်လွှတ်ပေးခဲ့ပါတယ်။

မင်းသား မိုဟမ်မဒ်က ရုရှားသမ္မတ ဗလာဒီမာ ပူတင်နဲ့ သတိကြီးကြီးထားရင်း ဆက်ဆံရေး ပျိုးထောင်နေချိန်မှာ တူရကီက ကြားဝင် ညှိနှိုင်းပေးလို့ ယူကရိန်းနိုင်ငံသား ၂၁၅ ယောက်ကို  ရုရှားနိုင်ငံသားနဲ့ ရုရှားလိုလားသူ ယူကရိန်းနိုင်ငံသား ၅၅ ယောက်တို့ကြား အကျဉ်းသားလဲမယ့် အစီအစဉ်နဲ့ တိုက်ဆိုင်နေပါတယ်။

ဆော်ဒီအာရေဗျရဲ့ အထောက်အပံ့ အခန်းကဏ္ဍကို ယူကရိန်းအရာရှိတွေက အလေးထားခဲ့သလို နောက်ထပ် ပူးပေါင်းဆောင်ရွက်ရေးကိုလည်း ဆွေးနွေးနေပါတယ်။